Ölkə futbolu
Liderlə debütantdan qələbə, autsayder oyuna çıxmadı
Bu gün futzal üzrə Yüksək Liqada 27-ci turun gör…
Bu gün futzal üzrə Yüksək Liqada 27-ci turun görüşləri keçirilib.
Futbolinfo.az xəbər verir ki, ilk oyunda “İtaldizain Futsal” “Yasamal”la üz-üzə gəlib. Debütant bu görüşdə darmadağınla qalib gəlib.
Günün ikinci, həm də mərkəzi oyununda “Neftçi” və “Araz” komandaları üz-üzə gəlib. Ötən tur mövsümdə ilk məğlubiyyəti ilə barışan lider cari çempionatda ilk xal itkisini məhz “Neftçi” ilə 1-ci dövrədə keçirdiyi dueldə almışdı. Alesionun drujinasında itkilər çox idi. Rövşən Hüseynli, Eduardo Borges, Xətai Bağırov və İsa Atayev qırmızı vərəqə aldığına görə, matçı tribunadan izləyirdi. Elə “Neftçi” də itkidən qaça bilməmişdi. Rüfət Balakişiyev sarı vərəqə limitini doldurduğuna görə komandasına kömək edə bilmirdi. Lakin ölkə çempionu ciddi itkilərə baxmayaraq, bu oyunda böyük hesabla qalib gəlib.
Günün son matçı EKOL və “Xəmsə” arasında keçirilməli idi. Amma “Xəmsə” komandası təyin olunan vaxtda meydana çıxmayıb. Məsələ ilə bağlı AFFA-nın İntizam Komitəsi qərar verəcək.
Yüksək Liqa
27-ci tur
1 may
“İtaldizain Futsal” – “Yasamal” FK 9:2
Qollar: Ağatahir Əzimov, 3:11, 8:17, 17:06. Anar Ağayev, 16:30. Ruzigar İbrahimzadə, 18:01, 39:52. Rəcəb Fərəczadə, 22:20, 30:36. Faiq Əliyev, 39:28 – Sadiq Cavid, 1:29. Mortoza Cahandost, 16:07.
Hakimlər: Elçin Məmmədov, Ramiz Məhərrəmov, Kənan Məlikov.
Bakı İdman Sarayı. Saat 12:30.
“Neftçi” İK – “Araz” 1:6
Qollar: Tural İsmayılov, 33:12 – Qalo, 6:22, 6:57, 34:38. Bolinya, 35:20, 38:12. Adil İsmayılov, 39:50.
Hakimlər: Yusif Nurullayev, Ramil Namazov, Anar Fərəcov.
Bakı İdman Sarayı. Saat 14:30
EKOL – “Xəmsə” matç baş tutmayıb. “Xəmsə” komandası təyin olunan vaxtda meydana çıxmayıb.
Hakimlər: Elçin Səmədli, Hikmət Qafarlı, Azad Hüseynov.
Bakı İdman Sarayı. Saat 16:30.
Turnir cədvəli: Araz – 62, Marafon Futsal – 46, EKOL – 38, İtaldizain Futsal – 29, Neftçi İK – 29, Yasamal – 16, Xəmsə – 2.
Bombardir: Bolinya (“Araz”) – 34 qol.