Ölkə futbolu
“Qəbələ” Gənclər Liqasının qalibi oldu
Bu gün AFFA Gənclər Liqasında cari mövsümün son…
Bu gün AFFA Gənclər Liqasında cari mövsümün son turunun oyunu keçirilib.
Futbolinfo.az xəbər verir ki, 19 yaşlılardan ibarət komandaların çempionatının son turunda "Qəbələ"ylə "Qarabağ" qarşılaşıb. “Qırmızı-qaralar”ın nominal meydan sahibi olduğu görüş Sumqayıtda “Sumqayıt Arena”da baş tutub.
Hər iki komanda eyni – 59 xala malik olsa da, "Qəbələ" 1-ci yerdəydi. Bu da "qırmızı-qaralar"ın şəxsi oyunlarda Rəşad Sadıqovun komandasından üstün olmasıyla (1:0, 2:2) bağlıydı. Yəni "Qarabağ"a çempion olaraq UEFA Gənclər Liqasına vəsiqə qazanmaq üçün mütləq qələbə qazanmaq lazım idisə, "Qəbələ"yə heç-heçə də kifayət edirdi.
Qeyd edək ki, bu liqada son qalib məhz Rəşad Sadıqovun komandası olmuşdu. Daha öncəki mövsümdə isə "Qəbələ" U-19-ların çempion adını qazanmışdı.
Çempionluq mübarizəsində hesab açılmayıb. Bu üzdən də “Qəbələ” eyni xala malik olduğu “Qarabağ”ı məhz şəxsi oyunlardakı üstünlük sayəsində qabaqlayaraq Gənclər Liqasının qalibi olub. Bu komanda həm də Azərbaycanı UEFA Gənclər Liqasında təmsil etmək hüququna yiyələnib.
AFFA Gənclər Liqası
28-ci tur
3 may
“Qəbələ” – “Qarabağ” – 0:0
Baş hakim: İnqilab Məmmədov.
Sumqayıt. “Sumqayıt Arena”.
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Müsahibə2024-04-10 11:44
Subaşiç “Neftçi” və “Qəbələ”yə görə məyusdur: “Rəhbərlik heyət və məşqçi ilə bağlı qərar verməlidir”
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…