Premyer-liqa
“Qarabağ”ı azarkeşləri ziyana saldı, Qadzenin vərəqəsi ləğv olundu
Bu gün AFFA İntizam Komitəsinin növbəti iclası keç…
Bu gün AFFA İntizam Komitəsinin növbəti iclası keçirilib.
Futbolinfo.az xəbər verir ki, aparılan müzakirələrdən sonra Topaz Premyer Liqasının 26-cı turunun oyunları ilə bağlı aşağıdakı qərarlar çıxarılıb:
“Qəbələ” – “Keşlə” matçında “Keşlə”nin 4 futbolçusu sarı vərəqə ilə cəzalandığı üçün klub 800 manat cərimə olunub.
“Səbail” – “Zirə” matçının 43-cü dəqiqəsində “Zirə”nin futbolçusu Riçard Qadze simuliyasiyaya görə sarı vərəqə ilə cəzalanıb. Lakin oyunun videoyazısına baxıldıqda hakimin epizodu düzgün qiymətləndirmədiyi müəyyən olunub. Oyunun video yazısını izlədikdən sonra İntizam Komitəsi aşağıdakı qərarları qəbul edib:
Oyunun 43-cü dəqiqəsində “Zirə”nin futbolçusu Riçard Qadzeyə göstərilmiş sarı vərəqə ləğv edilib.
“Qarabağ” – “Neftçi” matçında “Qarabağ”ın azarkeşləri tərəfindən pirotexniki vasitələrdən istifadə edildiyinə görə klub 800 manat cərimə olunub.