Samir Əliyev hakimləri təhqir etdi və qovuldu

Topaz Premyer Liqasının 27-ci turu çərçivəsində keçirilən "Neftçi" – "Səbail" oyununda insident baş verib.

Futbolinfo.az xəbər verir ki, matçın baş hakimi Rauf Cabbarov matçın 42-ci dəqiqəsində hakimlərin qərarlarına narazılığını bildirən qonalqarın baş məşqçisi Samir Əliyevi texniki zonadan uzaqlaşdırıb. Lakin 39 yaşlı mütəxəssis baş hakimin göstərişinə əməl etməyərək, ehtiyat oyunçular skamiyasına dönüb.

Yan xətt hakimindən narazı qalan baş məşqçi "qoduq gədə, korsan?" deyərək, özündən çıxıb. Cabbarov və 4-cü hakimin təkidindən sonra Əliyev meydanı tərk edib.

İnsident zamanı "Səbail"in kapitanı Eltun Yaqublu ilə bağlı da xoşagəlməz hal baş verib. Cabbarov sarı vərəqə göstərmək üçün yanına çağırmağına baxmayaraq, gəlməyən gənc futbolçunun ayağına getməli olub.

Qeyd edək ki, "Neftçi" ilk hissədən sonra 2:0 hesabı ilə öndədi. (Sport24)