Ölkə futbolu
Perspektivdəki vəsiqə üçün son döyüş
“Sumqayıt” üçün mövsümün …
“Sumqayıt” üçün mövsümün oyunu, “Zirə” üçün geridönüş matçı. Premyer Liqada heç kim belə finiş gözləmirdi.
Həm də bu mübarizə mücərrəd vəsiqə uğrundadı. Avropa Liqasına vəsiqəni rəsmiləşdirmək üçün “Qəbələ”nin ölkə kubokunu qazanması şərtdi. Bununla belə, “Sumqayıt”la “Zirə” öz işini görüb, xoş soraq gözləmək niyyətindədi.
Qışa kimi heç kim “Zirə”nin o cür şansı əldən verib, indi 4-cü yer üçün savaşacağını gözləməzdi. Heç “Sumqayıt” da pis vəziyyətdə deyildi – “qartallar”ın çöküşü onlara 3-cü yerə kimi qalxmaq imkanı vermişdi. Bir anda vəziyyət dəyişdi və “Neftçi” onların hər ikisini üstələdi.
Bu matç hər iki komandanın sabahını ciddi şəkildə dəyişəcək, onları gələcək strategiyalarına baxmağa məcbur edəcək. Xüsusilə “Sumqayıt” üçün matçın böyük önəmi var. Bu şəhər tarixində ilk dəfə avrokubokda təmsil olunmaq şansı qazanıb və fürsəti əldən verənləri çətin bağışlayacaqlar.
Hər 3 nəticənin reallaşa biləcəyi matçdı. “Zirə”yə uduzmamaq kifayət edirsə, meydan sahibləri yalnız qələbə qazanmalıdı. Oyunçu aparsın…
Hakimlər: Rauf Cabbarov, Yaşar Abbasov, Nahid Əliyev, İnqilab Məmmədov.
AFFA nümayəndəsi: Namiq Məstanov.
Hakim-inspektor: Şahin Cəfərov.
“Sumqayıt Arena”, 17:15 (“CBC Sport” / canlı)
***
“Sumqayıt” – “Zirə” – 11 oyun, +3=3-5, top fərqi 9-13
Komandalar arasında indiyəqədərki bütün oyunlar:
Sumqayıt – Zirə 0:0
Zirə – Sumqayıt 3:2
Sumqayıt – Zirə 0:2
Zirə – Sumqayıt 1:0
Zirə – Sumqayıt 0:1
Sumqayıt – Zirə 1:0
Zirə – Sumqayıt 1:0
Sumqayıt – Zirə 1:1
Zirə – Sumqayıt 3:1
Sumqayıt – Zirə 2:1
Zirə – Sumqayıt 1:1
***
“Zirə” 5 oyundur meydanı qolsuz tərk etmir. “Sumqayıt” evdəki son 3 matçda uduzmayıb.
***
“Sumqayıt”da son durum:
Cəzalı – yoxdu
Zədəli – Rəşad Eyyubov (məşqə başlayıb, amma çətin oynasın)
“Zirə”də son durum:
Cəzalı – Cosef Bum, Milan Duriç
Zədəli – Yovan Krneta, Aleksandr Şemonayev, Elşən Abdullayev (ayağnda şiş olsa da, son məşqlərə çıxıb, oynamaq ehtimalı var)