Dünya futbolu
“Real” ardıcıl 3-cü dəfə ÇL-in qalibi oldu
Futbol üzrə UEFA Çempionlar Liqasında 2017/18 mövs&…
Futbol üzrə UEFA Çempionlar Liqasında 2017/18 mövsümünə yekun vurulub.
Futbolinfo.az xəbər verir ki, Kiyevin Olimpiya stadionunda baş tutan həlledici görüşdə İspaniyanın “Real” və İngiltərənin “Liverpul” klubları üz-üzə gəlib.
Bu komandalar daha öncə bir dəfə – 1981-ci ildə Çempionlar Kubokunun finalında üz-üzə gəlmişdilər. Parisdə keçirilən həlledici oyunda “qırmızılar” minimal hesabla qalib gəlmişdilər. Ümumilikdə isə bu komandalar bu günə kimi 5 dəfə qarşılaşmışdılar ki, bu görüşlərdən 3-də “Liverpul”, ikisində isə “Real” qalib gəlmişdi. Top fərqi də “qırmızılar”ın xeyrinəydi – 6:4.
Ardıcıl iki ildi Çempionlar Liqasının qalibi olan “kral klubu”, ümumilikdə 13-cü titulunu qazanmaq niyyətindəydi. Sonuncu dəfə bu turnirdə 2005-ci ildə qalib olmuş İngiltərə təmsilçisinin muzeyində isə 5 ÇL kuboku vardı.
Bu dəfəki finalda yenə "Real" sevinən tərəf olub. Madrid təmsilçisi bununla da ardıcıl 3-cü dəfə ÇL-in qalibi olmaqla bir sıra ilklərə imza atıb.
UEFA Çempionlar Liqası
Final
26 may
Real – Liverpul 3:1
Qollar: Benzema, 51. Beyl, 64; 83 – Mane, 55.
Baş hakim: Milorad Maziç (Serbiya).
Yer: Kiyev. Olimpiya stadionu.
Real: 1. Navas, 2. Karvaxal, 4. Ramos (k), 5. Varan, 7. Ronaldo, 8. Kroos, 9. Benzema, 10. Modriç, 12. Marselo, 14. Kazemiro, 22. İsko
Ehtiyat oyunçular: 13. Kasilya, 6. Naço, 11. Beyl, 15. T.Ernandes, 17. L.Vaskes, 20. Asensio, 23. Kovaçiç
Baş məşqçi: Zidan
Liverpul: 1. Karius, 4. V.Deyk, 5. Veynaldum, 6. Lovren, 7. Milner, 9. Firmino, 11. Salah, 14. Henderson (k), 19. Mane, 26. Robertson, 66. Aleksander-Arnold
Ehtiyat oyunçular: 22. Minolye, 2. Klayn, 17. Klavan, 18. Moreno, 20. Lallana, 23. Ə.Can, 29. Solanke
Baş məşqçi: Klopp