Dünya futbolu
Paytaxt klubundan yayın ilk transferi – FOTO
İtaliyanın “Roma” klubu bu yay ilk transferini həyata k…
İtaliyanın “Roma” klubu bu yay ilk transferini həyata keçirib.
Futbolinfo.az xəbər verir ki, paytaxt təmsilçisi xorvatiyalı yarımmüdafiəçi Ante Çoriçi heyətinə qatıb. Bu barədə “canavarlar”ın rəsmi saytı məlumat yayıb.
Çoriç Xorvatiya çempionu “Dinamo”dan transfer edilib. İtalyanlar ona görə Zaqreb klubuna 6 milyon avro təzminat ödəyiblər. Oyunçu 2020-ci ilə qədər başqa bir kluba transfer edilsə, “Roma” “Dinamo”ya daha 2 milyon avro ödəməlidi.
21 yaşlı futbolçu özü isə yeni klubu ilə 5 illik müqaviləyə imza atıb.
Peşəkar karyerasına 2014-cü ildə, 17 yaşı olarkən yetirməsi olduğu “Dinamo”da başlayan Çoriç Zaqreb klubunda 150-yə yaxın oyuna çıxıb. O, bu 4 ildə 23 qol vurub, 24 məhsuldar ötürmə müəllifi olub. Ante bu müddətdə 4 dəfə Xorvatiya çempionu olub, 3 dəfə ölkə kubokuna sahib çıxıb. O, 3 dəfə də Xorvatiya yığmasının heyətində oyun keçirib. Lakin DÇ-2018-ə aparılan heyətə daxil edilməyib.