Ölkə futbolu
Maksimovun zaman dərsi
Yuri Maksimov vaxt istəyən, büdcə tələb edən, min bir bəha…
Yuri Maksimov vaxt istəyən, büdcə tələb edən, min bir bəhanə gətirən məşqçilərə 5 aya 5 illik dərs verdi. Uğur qazanmaq üçün sadaladıqlarımız da vacibdi, amma ilk öncə bacarıqlı məşqçi olmaq, komanda qurmaq lazımdı.
“Keşlə”nin ölkə kubokuna sahib çıxması birbaşa ukraynalı baş məşqçinin əməyinin nəticəsidi. Qocaman ustalarla enerjili gənclərin vəhdətindən elə bir komanda yaratdı ki, adi, sadə futbol oynayıb, titul qazandılar. Bəlkə heyətdəki əcnəbilər yüksək səviyyəli deyildi, bəlkə oynanılan futbol zövq vermirdi, amma meydanda komanda, vahid mexanizm var idi. Və Maksimov əlindəki vintaçanla detalları bir-birinə bağladı, maşını dayanmağa qoymadı.
“Keşlə” 2018-ci ildəki bütün çempionat və kubok oyunlarında qol vurub. Bu, təsadüfi, sıradan göstərici deyil. Deməli, bakılıları praqmatik futbolda da günahlandıra bilmərik. Maksimov Vaqif Cavadovu futbola qaytarmaqla, sezar Meza Kollini yenidən kəşf etməklə, Adrian Skarlatake və Denis Silvanı “cavanlaşdırmaqla” uğura nail oldu.
Ukraynalı məşqçi komandanı yumruq kimi birləşdirmək üçün hər şeyə getdi, futbolçuları rəhbərlikdən qorudu. Lazım gələndə istefa jesti, klub rəhbəri Zaur Axundovu yalançılıqda ittiham etdi, amma heç vaxt hansısa futbolçusunu gözdən salmadı. Onların səhvlərini öz boynuna götürdü, qələbə qazananda oyunçuları təriflədi. Əsl psixoloq kimi davrandı və yeni müqavilə təklifini məcbur edərək aldı.
Maksimov 5 aya möcüzə yaratdı. Amma Avropa Liqasında mübarizə fərqli olacaq. 8 komandalı Azərbaycan çempionatı ilə qitə yarışları fərqlidi. İndi ukraynalı seçdiyi həmyerlilərini “Keşlə”yə gətirmək üçün lazım olan büdcəni də özü təmin edib – avrokuboklardan gələcək pulla bir neçə səviyyəli oyunçu almaq olar. Qalır rəhbərliyin boynuna düşən vəzifə. O isə transferləri yubatmamaq, komanda quruculuğunu bir an öncə başlamaq.
FƏRİD
- Premyer-liqa2024-04-14 20:55
“Qarabağ” “Sabah”a uduzdu
- Premyer-liqa2024-04-14 22:16
“Bir rəqiblə 4 dəfə oynamaq bizim üçün maraqsızdır” – Qurbanov
- Ölkə futbolu2024-04-15 10:17
“Qarabağ” üçün daha iki potensial rəqib
- Ölkə futbolu2024-04-16 13:19
AFFA-da fırtınaqabağı sakitlik: maliyyə yoxlaması davam edir