Ölkə futbolu
Qriqorçuk haqda rəsmi qərar
“Qəbələ” baş məşqçi Roman Qriqorçukla …
“Qəbələ” baş məşqçi Roman Qriqorçukla yollarını ayırıb. Bu qərar Azərbaycan Kubokunun final matçının ardından ukraynalı mütəxəssis və klub rəhbərliyi arasında keçirilən görüş zamanı qəbul olunub. Görüşdə “Qəbələ” ilə Qriqorçuk arasında müqavilənin uzadılmaması qərara alınıb.
2015-ci ilin əvvəlindən “Qəbələ”nin baş məşqçisi olan Qriqorçuk bu postda 3,5 mövsüm çalışıb. “Qırmızı-qaralar”la Premyer Liqada 2 dəfə gümüş (2016/17, 2017/18), 2 dəfə bürünc (2014/15, 2015/16) mükafat qazanan ukraynalı 2 dəfə kubokun finalına (2016/17, 2017/18) qədər irəliləyib. Qriqorçukun rəhbərliyi altında 3 dəfə UEFA Avropa Liqasında çıxış edən “Qəbələ” 2015/16 və 2016/17 mövsümlərində turnirin qrup mərhələsinə qədər yüksəlib.
“Qəbələ” Qriqorçuka 2015-2018 illərdə komandadakı uğurlu fəaliyyətinə görə təşəkkür edir, ona gələcək həyatında və karyerasında uğurlar arzulayır.
Beləliklə komandaya 159 oyunda rəhbərlik edən ukraynalı 37 ayda 108 çempionat, 19 kubok və 32 avrokubok matçında iş başında olub. Komandası ilə 75 qələbə qazanan Qriqorçuk 41 heç-heçə görüb, 43 dəfə məğlubiyyət acısı yaşayıb. Onun yetirmələri 240 qol vurub, 148-ni buraxıb. 2015-ci il fevralın 1-də “Bakı” üzərində səfərdəki 2:0 hesablı qələbəsi ilə işə başlayan ukraynalı 2018-ci il mayın 28-də “Keşlə”yə 0:1 hesablı yenilgi ilə postundan gedib.
“Qəbələ”nin vitse-prezidenti Fariz Nəcəfov oyunsonrası açıqlamasında Qriqorçukun taleyinə bu gün aydınlıq gələcəyini və böyük ehtimalla gedəcəyini desə də, qərar gecə yarısı qəbul olunub. Bu isə rəhbərliyin ondan ciddi narazı olmasını göstərir. Deməli, rəhbərliyin əsəbləri dözməyib və elə oyunun gedişindəcə qərarlarını veriblər. Bəlkə də son proseslər üzündən belə bir niyyət əvvəldən var imiş və final sadəcə, son damla oldu.
“Qırmızı-qaralar”ın yeni baş məşqçisinin adına yaxın 2 gündə aydınlıq gəlməlidi. Hələlik daha çox “Sumqayıt”dan ayrılan Samir Abasovun adı çəkilir. Lakin sürpriz namizəd də ola bilər.
- Premyer-liqa2024-04-14 20:55
“Qarabağ” “Sabah”a uduzdu
- Premyer-liqa2024-04-14 22:16
“Bir rəqiblə 4 dəfə oynamaq bizim üçün maraqsızdır” – Qurbanov
- Ölkə futbolu2024-04-15 10:17
“Qarabağ” üçün daha iki potensial rəqib
- Ölkə futbolu2024-04-16 13:19
AFFA-da fırtınaqabağı sakitlik: maliyyə yoxlaması davam edir