Ölkə futbolu
Tərlan Əhmədov haqda yekun qərar
“Neftçi” Tərlan Əhmədovun taleyinə aydınlıq g…
“Neftçi” Tərlan Əhmədovun taleyinə aydınlıq gətirib. Klub rəsmi açıqlamaya tələsməsə də, artıq baş məşqçiylə yolların ayrılacağı dəqiqdi.
Futbolinfo.az xəbər verir ki, son günlərədək bu məşqçinin postunda qalmaq ehtimalı var idi. Komandanın bürünc medalçı olmasından sonra rəhbərliyin yola onunla davam etməsi haqda söhbətlər çoxalmışdı. Lakin 2 gündən sonra müqaviləsinin vaxtı bitəcək mütəxəssislə anlaşma uzadılmayacaq.
Artıq bu məsələ sponsorlar səviyyəsində həllini tapıb. Əhmədov da anlayıb ki, qalmağın mənası yoxdu, indiki rəhbərliklə bir arada olması mümkün deyil. Bu səbəbdən Tərlan bəy iş yeri axtarmaq üçün rəsmi qərarı gözləyir.
“Neftçi” isə onu daha təcrübəli məşqçi ilə əvəz edəcək. Ölkə xaricində xələf axtaran rəhbərlik bir neçə variantı gözdən keçirir. Növbəti mövsüm çempionluğa oynayacaq komanda işini bu istiqamətdə qurub.