Ölkə futbolu
“Xəzər Universiteti”, “İnter”, “Keşlə”
Azərbaycanın avrokuboklardakı sonuncu təmsilçisi olan &ldqu…
Azərbaycanın avrokuboklardakı sonuncu təmsilçisi olan “Keşlə” qeyri-adi ilkə imza atıb. Paytaxt təmsilçisi qitəmiqyaslı turnirdə 3 müxtəlif ad altında çıxış edən ilk Azərbaycan klubu olacaq.
Belə ki, “Keşlə” daşıdığı adlarla – həm “Xəzər Universiteti”, həm “İnter” kimi avrokuboklarda oynayıb. Bakılılar ilk dəfə 2004/05 mövsümündə “Xəzər Universiteti” kimi İntertoto kubokuna qatılıb.
Yarışla vidalaşan kimi adını “İnter”ə dəyişən daha 8 dəfə qitə səhnəsinə çıxıb. Paytaxt təmsilçisi 2008/09 və 2010/11 mövsümlərində Çempionlar Liqasında çıxış edib. 2009/10, 2012/13, 2013/14, 2014/15, 2015/16 və 2017/18 mövsümlərində Avropa Liqasına qatılan “İnter” 8 avrokubok macərasından sonra adını dəyişib.
1 dəfə “Xəzər Universiteti”, 8 dəfə “İnter” kimi Avropada Azərbaycanı təmsil edən klub yubiley – 10-cu cəhdini yeni adla gerçəkləşdirəcək. İndiyədək üç komandamız qitəmiqyaslı yarışa iki adla çıxıb. “Dinamo” sonradan “Bakı” adı ilə oynayıbsa, “Olimpik”in AZAL kimi Avropaya çıxışı tam rəsmiləşməyib. Çünki komanda bu adı daşısa da, UEFA onları köhnə adı ilə tanıyıb. İki adla avrokubok həyəcanı yaşayan “Xəzər Universiteti”/“İnter” artıq “3”ün astanasındadı.
Qeyd edək ki, avrokuboklardakı iştirak sayında bu komanda Azərbaycan üçüncüsüdü. Yalnız “Neftçi” və “Qarabağ” qitə səhnəsinə daha çox çıxıb. Bakılılar 17-ci, ağdamlılar 15-ci dəfə bunu reallaşdıracaq (apasport.az).
- Premyer-liqa2024-04-14 20:55
“Qarabağ” “Sabah”a uduzdu
- Premyer-liqa2024-04-14 22:16
“Bir rəqiblə 4 dəfə oynamaq bizim üçün maraqsızdır” – Qurbanov
- Ölkə futbolu2024-04-15 10:17
“Qarabağ” üçün daha iki potensial rəqib
- Ölkə futbolu2024-04-16 13:19
AFFA-da fırtınaqabağı sakitlik: maliyyə yoxlaması davam edir