Ölkə futbolu
İslahat başladı: “Neftçi” baş məşqçisini qovdu
“Neftçi” islahatlara rəsmən start verdi. Baş mə…
“Neftçi” islahatlara rəsmən start verdi. Baş məşqçi Tərlan Əhmədovu yola salacağı şübhə doğurmayan paytaxt klubu, bugünkü qərarı ilə sabahkı addımının da anonsunu verdi.
Futbolinfo.az xəbər verir ki, klub rəhbərliyi əvəzedici komandanın məşqçilər heyətini yola salıb. Mövsümü 8 komanda arasında 7-ci pillədə başa vuran kollektivə rəhbərlik edən Vadar Nuriyev, həmçinin köməkçiləri Ədəhim Niftəliyev və Fuad Əsədovla müqaviləyə qarşılıqlı razılıqla xitam verilib.
Nuriyev qışda Tərlan Əhmədovun istəyi ilə komandaya gətirilmişdi. Elşad Əhmədova xələf olan bu mütəxəssis AZAL-da uzun müddət Tərlan bəyin köməkçisi olmuşdu. İndi isə onun gedişinin dostuna da hazırlıq işarəsi olduğunu demək olar.
“Neftçi”nin rəsmi məlumatında yazılıb: "Neftçi” PFK-nın əvəzedici komandasının baş məşqçisi Vadar Nuriyev və məşqçi heyəti ilə müqaviləyə qarşılıqlı razılaşma əsasında xitam verilib. Onlara göstərdiyi xidmətlərə görə təşəkkür edir, gələcək karyeralarında uğurlar arzulayırıq”.