Ölkə futbolu
Rumıniyalı məşqçi “Neftçi”nin təklifindən imtina etdi
Tərlan Əhmədovla başa çatmaqda olan müqaviləni yenil?…
Tərlan Əhmədovla başa çatmaqda olan müqaviləni yeniləmək istəməyən “Neftçi”nin əcnəbi baş məşqçi axtarışına çıxdığını xəbər vermişdik.
Futbolinfo.az xəbər verir ki, artıq paytaxt klubunun təklif göndərdiyi əcnəbi mütəxəssislərdən birinin kimliyi məlum olub. Belə ki, “ağ-qaralar” rumıniyalı məşqçi Marius Şumuditsa ilə danışıqlar aparıblar. Lakin o, “Neftçi”nin təklifindən imtina edib.
Bu barədə 47 yaşlı mütəxəssis ölkəsinin mətbuatına açıqlamasında özü məlumat verib. O, hazırda Türkiyə çempionatında işləmək niyyətinin olduğunu bildirib. Şumuditsa ölkəsinə qayıtmağın da əleyhinə olmadığını bildirib. Lakin o, daha yaxşı maliyyə şərtləri olan klublardan sərfəli təklif gözlədiyini bəyan edib.
Qeyd edək ki, Şumuditsanın son iş yeri Türkiyənin “Kayserispor” klubu olub. Ötən ildən bu komandanı çalışdıran mütəxəssis uğursuz mövsümün ardından bu ay istefa ərizəsini yazmalı olub.