Ölkə futbolu
“Futbolçular sonadək oyun intizamını pozmadılar”
“Qəbələ” Sloveniyada keçirilən təlim-məşq to…
“Qəbələ” Sloveniyada keçirilən təlim-məşq toplanışındakı ikinci yoxlama oyununda Xorvatiyanın “Dinamo” klubu ilə qarşılaşıb.
Futbolinfo.az xəbər verir ki, “qırmızı-qaralar”ın baş məşqçisi Sənan Qurbanov Zaqreb təmsilçisi ilə matç (0:2) barədə fikirlərini klub saytına açıqlayıb:
“Bu gün daha sürətli oyun izlədik. Zaqreb “Dinamo”su ilə qarşılaşma bizim üçün yaxşı rəqabət oldu. Belə rəqibə, sürətli komandaya qarşı oynamaq çox faydalıdı. Çünki hansı rəqibə qarşı necə oynamaq lazım olduğunu görürük. UEFA Avropa Liqasında da belə komandalarla qarşılaşmışıq. Futbolçular da belə matçlara necə yanaşmaq, necə məşq etmək lazım gəldiyini bilirdilər. Belə rəqiblərlə oynamaq bizim üçün müsbət haldı”.
Qurbanov Sloveniya toplanışındakı iki yoxlama oyununa əsasən komandada dəyişikliklərin olduğunu da qeyd edib: “Komandanın oyununda inkişaf görünür. Futbolçular meydançada daha hərəkətlidi. Ehtiyatda oyunçularımız nisbətən az olduğundan bu gün meydana çıxanlar nisbətən çox yükləndi. Yeni transferimiz Ceyms Adeniyi komandayla məşqlərə başlayıb. Cavid Hüseynov da heyətə döndükdən sonra gücümüzə güc qatacaq. “Dinamo” oyunu iki heyətlə keçirdi. Futbolçularımız 90 dəqiqə rəqibə qarşı düzgün mübarizə apardı. Hesabda geri düşdükdən sonra da futbolçular matçda dönüş yaratmaq üçün çalışdılar, sonadək oyun intizamını pozmadılar. Düzgün mübarizə apardılar. Amma oyunun sonlarında rəqibin sürəti həlledici rol oynadı. “Proqres”lə iyulun 12-də keçiriləcək matçadək komandamızın yaxşı forma yığacağını düşünürəm”.
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…