Layihə

İdman mətbuatı bu gün – V yazı

(əvvəli bu linkdə)

AFFA-nın yaratdığı Media Komit?…

Saat: 13:02 Tarix: 04/07/2018

tərəfindən paylaşıldı

AFFA-nın yaratdığı Media Komitəsinin iflası günün reallığıdı. Bu, baş katib Elxan Məmmədovun yarımçıq qalan neçənci layihəsidi. İndi assosiasiyada jurnalistlər üçün şans yaratdıqları, amma onların bundan istifadə edilmədiyi düşüncəsindədilər. Qismən haqlıdılar, lakin bu işin planlaması doğru deyildi. Üstəlik, bu format düzgün seçilməmişdi, sadəcə, pul paylanılır, demək olar,hamıya müəyyən vəsait ödənilirdi. Qarşılığında hansısa iş, layihə yox idi. Xəbər lentini doldurmaq xatirinə yazılanlar gözdən pərdə asmaq üçün idi, hansısa problemin qabardılmasına, həllinə, nəticə çıxarılmasına səbəb olmurdu.

AFFA İcraiyyə Komitəsinin 2018-də baş tutmuş 2 iclasında Media Komitəsi ilə bağlı müzakirələr olub. Qərara salınmasa da, martdakı tədbirdə komitənin fəaliyyətinin davamı üçün katibliyin növbəti iclasadək araşdırma aparması, yeni formatı müəyyənləşdirməsi lazım bilinmişdi. Üzərindən daha bir iclas keçdi və ortada heç nə yoxdu. 6 aydı hansısa maliyyə ayrılmır, komitənin İdarə Heyəti ümidlə AFFA-dan cavab gözləyir. Bu müddətdə maliyyə ayrılması dayandırılıb, sədrlik müddəti bitən Mahir Rüstəmli də, üzvlər də gözlədilir.

Təkcə bu fakt AFFA-nın mətbuata nə qədər “həssas” olduğunun göstəricisidi. Kimlərsə nəyəsə ümid etdiyi, kimlərsə də, ötən 2 ildəki “xatirələrə” görə susur.

Elə vəziyyət yaradılıb ki, “Futbol+” qəzetinin baş redaktoru, Media Komitəsinin ilk və son sədri Mahir Rüstəmli də çətin vəziyyətdə qalıb. Onun ölkə mətbuatına bir ay əvvəl verdiyi açıqlama indi də aktualdı: “Media Komitəsinin İdarə Heyəti özünə aid olan işləri görüb. Təkliflər paketini hazırlayıb, AFFA-ya təqdim etmişik. Top indi meydanın AFFA-ya, Elxan Məmmədova aid hissəsindədi. Onlar cavab verməlidilər ki, Media Komitəsi yaşayacaq, ya yaşamayacaq, bu təkliflərdən hansılar nəzərə alınacaq. Onların bizdən istədiklərini vermişik. Bundan sonra AFFA-nın qapısına düşüb, onlara yalvarası deyiləm ki, Media Komitəsi barədə qərar verin. Bu barədə onların özləri də düşünməlidi ki, bütün idman mediası bu gecikmədən narazıdı. Təəssüf ki, bu barədə hələ heç bir cavab yoxdu. Bu məsələ ilə bağlı bir neçə dəfə onlara müraciət etmişəm. Şəxsən Firuz Abdullaya (AFFA-nın İctimaiyyətlə Əlaqələr Şöbəsinin rəhbəri) müraciət etmişəm ki, Elxan Məmmədov vasitəsilə bu məsələyə aydınlıq gətirsin. Lakin deyir ki, heç bir yeni xəbər yoxdu. Əvvəlcədən də razılıq belə idi ki, biz təkliflər paketini hazırlayıb, təqdim edəcəyik. Onlar da bu təkliflərdən hansının nəzərə alınıb, hansının alınmayacağını, seçkinin vaxtını bizə bildirəcəklər. Mən də bilirəm, proseslər ləngiyir. Aprel, may ayları boşuna getdi. Artıq iyunun 6-dı. Proses hara gedir, düzü, özüm də bilmirəm”.

İndi isə iyuldu, ilin yarısı boşuna gedib, lakin hətta komitənin fəaliyyətini dayandırdığı barədə də məlumat yoxdu. Hamı havadan asılı vəziyyətdə qalıb.

Komitədə heç vaxt təmsil olunmayan Amal Abuşov üçün Media Komitəsi ağrılı mövzudu: “İlk gündən bu komitənin Elxan Məmmədovun maraqlarına xidmət edəcəyini, mətbuatı ələbaxan duruma salmağı və parçalamağı hədəflədiyini demişdim. Bütün həmkarlarıma müraciət etdim. Dedim ki, oyuna getməyin. Bəli, AFFA milyonları göyə sovurur, işbazlar ciddi paralar qazanır. Mətbuata dəstək olmaq, pul ayırmaq onların borcu idi. Necə ki, MK yaranmamışdan da, sonradan da özlərinə yaxın bildiklərinə maliyyə ötürürlər, əvəzində onlarla bağlı öhdəçilikləri var. Yenə deyirəm, vəziyyət elədi ki, heç kimi qınamaq olmur. Mənim də kiminsə xətrinə dəymək fikrim yoxdu. Mən ilk gündən təklif etdim ki, idman mətbuatı Elxan Məmmədovun təklif etdiyi vaxtda və məkanda yox, ayrıca müstəqil şəkildə toplansın. Şərtləri biz müəyyənləşdirək və baş katibin qarşısına hazırlıqlı gedək. Amma saqqalımız olmadı, sözümüz keçmədi. Sonradan başverənlər də göstərdi ki, biz haqlı imişik. Elxan Məmmədovun qarşısına kəmiyyətlə yox, keyfiyyətlə çıxmaq lazım idi. Yavaş-yavaş sular duruldu, ciddi qələm sahibləri komitədən uzaqlaşmağa başladılar. Komitənin içində olmadığımdan proseslər barədə dəqiq məlumatım yoxdu. Ona görə də geniş şərh verməyim düzgün çıxmaz. İstənilən halda, bu qurumun fəaliyyətini bərpa etməsini, həmkarlarımın işlərinin qaydasına düşməsini arzulayıram. Amma Media Komitəsi mətbuatı bölücü, ayrımçılıq edəsi, “filankəslər bizimlə deyilsə, onlar yoxdular” prinsipləri ilə hərəkət edən təşkilat olmamalıdı. Əksinə, mətbuatı birləşdirməyə, gücləndirməyə, irəli aparmağa çalışmalıdı. Zaman da sübut etdi ki, indiyə qədər yürüdülən siyasət yanlış imiş”.

İlkin Vaqifoğlu isə bu ideyanı dəstəkləyənlərdəndi: “Elxan Məmmədov gec də olsa, bu addımı atdı və baş katib ötən 2 il ərzində KİV-ə pis-yaxşı dəstək verməyə çalışdı. MK-ni ideya olaraq mütərəqqi hesab etsəm də, deməzdim ki, komitə bu illərdə tam səmərəli fəaliyyət göstərdi. İki seçki keçirilib və mən heç birində namizədliyimi irəli sürməmişəm. Çünki hələ ilk seçkidən əvvəl görürdüm ki, komitəyə seçilmək uğrunda hansı “oyunlar” gedir. MK bu tərkibdə və formatda yoluna davam edə bilməz. Layihələrin seçilməsi və bölüşdürülməsində dəfələrlə ayrı-seçkiliyə, tərəfkeşliyə yol verildi. Kim kimlə yaxındı, kim kimlə qohumdu… Belə hallara bir daha yol verilməməlidi. AFFA digər komitlərin tərkibini özü müəyyənləşdirdiyi kimi, MK ilə bağlı eyni addımı atmalıdı. Onsuz da, ölkədə az-çox normal işləyən, ən azından buna çalışan 5-10 sayt var, AFFA-nın geniş seçim imkanının olduğunu düşünmürəm. Komitənin fəaliyyəti donub. Fikrimcə, bu, baş katibin MK-nin ötən illərdəki fəaliyyətindən narazılığının nəticəsidi. Elxan Məmmədov təcili və qəti qərar verməlidi. AFFA media ilə münasibətlərə yenidən baxırsa, qoy baxsın. Bu prosesin nə qədər tez başa çatması birinci növbədə AFFA-nın özünə lazımdı. Nədənsə baş katibdən bir tərpəniş görmürəm. Qeyri-müəyyənliyin uzanmasının onun və AFFA-nın ziyanına işləyəcəyini bilməsini istərdim. Məlumunuz olsun ki sportinfo.az MK-nin layihələrindən ən az yararlanan saytlardan biridi. Bunu ona görə xatırladıram ki, MK-nin mövcud olub-olmaması bizim üçün bir o qədər fərq eləmir. Medianın ümumi durumundan çıxış edərək, AFFA-nın saytların maliyyələşdirilməsində iştirakının vacibliyi üzərində dayanıram”.

Ceyhun Əliyev Media Komitəsinin özülünün yanlış qoyulduğu qənaətindədi: “Doğrudu, yaradıldığı ildə sport24.az yox idi, lakin idman KİV-ində çalışırdım və hadisələrin gedişatını yaxından izləyirdim. Eyni fikri 2 ildən sonra da təkrarlayıram: sabah şərti olaraq sport25,sSport26, sport27.az saytları açsam və hər birinə hansısa jurnalisti rəhbər təyin etsəm, bir müddətdən sonra Media Komitəsindən layihə adı altında aylıq 400-500 manat vəsait qoparacam. Təqribən 1 ay öncə vaxtilə MK-nın idarə heyətində yer almış həmkar-dostlardan birinə daha bir iradımı bildirdim. Söhbət MK vasitəsi ilə KİV təmsilçilərinin ölkə xaricinə aparılmalarından gedir. Onun “dedik, hamıya şans tanıyaq, yoxlayaq, bəlkə uğurlu işləyəcək” deməsini qəbul etmədim. Çünki jurnalist ölkə xaricində Azərbaycanın simasıdı. Evinin içindəki peşəkar bacarığı bəlli olduğu halda, onun “hasarın o tayı”nda nə işi? Zənnimcə, “MK niyə fəaliyyətsizdi” sualının cavabı da məhz bundadı ki, fəaliyyət göstərdiyi dövrdə əlahiddə çəkiyə sahib ola bilməyib. “Niyə ola bilməyib” sualına cavab vermək üçün hadisələrin lap daxilində – İdarə Heyətində olmaq gərəkdi ki, konkret rəy bildirim. Çünki “ağacın iki başı var”: bir başda MK-nın banisi olan AFFA özünü haqlı hesab edir, digər tərəfdə də MK-nın İdarə Heyətində təmsil olunmuş həmkarlar”.

Göründüyü kimi, komitənin yaradılması, sonradan fəaliyyətinin dondurulması medianı ikiyə bölməyə kifayət edib. Elə təşəbbüskarların niyyəti də bu idi.

(davamı olacaq)

FƏRİD

Əlaqəli xəbərlər:

Reklam

Ölkə futbolu2024-04-13 08:35

Leandro Azərbaycan dilini öyrənib: “Qarabağ”da yaşadıqlarım mənim üçün gözəl hekayədir”

Premyer-liqa2024-04-13 20:52

“Neftçi” “Araz-Naxçıvan”ı darmadağınla yola saldı

Milli komanda2024-04-12 18:00

Millinin Gürcüstanla oyunlar üçün heyəti açıqlandı

Premyer-liqa2024-04-12 20:56

“Sumqayıt”la “Zirə”dən heç-heçə

Futbolinfo.az

İdman mətbuatı bu gün – V yazı

Reklam

“Səbail” “Kəpəz”ə, “Sabah” “Qarabağ”a qarşı

Ən effektiv beşlik məlum oldu

“Audi” gələcək pilotları ilə danışıqlara başladı

Nadal və Alkarasın iştirak edəcəyi turnirin püşkü atıldı

Avroliqada cütlər məlum oldu

“Turan Tovuz” avrokubok mübarizəsinə qayıtdı

“Atletiko”, “Barselona” və “Real”dan növbəti qələbə

“Strasburq” və “Tuluza”dan qələbə

Turin derbisində heç-heçə

“Bayern”dən inamlı qələbə

“Mançester Siti”dən darmadağın

Azərbaycanlı futbolçuların duelində İsgəndərli sevindi

Şahruddinli “Adana Dəmirspor” və “Beşiktaş” evdə xal itirdilər

“İlk hissədəki 2:0 oyunçulara güvən və rahatlıq verdi” – Bojoviç

“Neftçi”nin bizdən üstün oynadığını düşünmürəm” – Baxşıyev

“Araz-Naxçıvan” “Neftçi”yə böyük hesabla uduzdu – VİDEO

“Neftçi” “Araz-Naxçıvan”ı darmadağınla yola saldı

“Xarakter göstərmək lazımdır” – Sxadadze

“Uduza da bilərdik” – Ayxan Abbasov

“Qəbələ” “Turan Tovuz”a belə uduzdu – VİDEO

“Turnir cədvəlini düşünmürük”

“Müdafiədə aqressiv, hücumda məhsuldar idik”

Azərbaycan birinciliyinin qalibləri bəlli oldu

“Sumqayıt-2” inamlı qələbəyə sevindi

“Qəbələ” “Turan Tovuz”a da uduzdu

Rəqibini vuran futbolçuya 4 oyunluq cəza

“Karvan” cərimələndi – təcili yardım maşınına görə

“NTD-İndiqo” səfərdə qələbə qazandı

Qurban Qurbanov: “Məşqçilik düşüncələrim Voronejdə yarandı” – VİDEO

Millimiz qrupda sonuncu oyununu keçirdi

Millimizin bolqarlarla heç-heçəsi – VİDEO

“Səbail” “Sumqayıt”a belə məğlub oldu – VİDEO

“Qəbələ” “Sabah”a belə qalib gəldi – VİDEO

“Kəpəz” “Sabah”a belə uduzdu – VİDEO

“Qəbələ” “Zirə”yə belə uduzdu – VİDEO

Qəbələdə 5 qol – VİDEO

“Səbail” “Neftçi”yə belə məğlub oldu – VİDEO

“Turan Tovuz”la “Qarabağ”ın məhsuldar heç-heçəsi – VİDEO

Ayxan Abbasov: “VAR-da olanlar başqa oyuna baxırdılar” – VİDEO

Qurban Qurbanov: “Oyunumuzdan razı qalmadım” – VİDEO

“Qarabağ”dan “Neftçi” üzərində inamlı qələbə – VİDEO

“Qəbələ” “Səbail”ə belə uduzdu – VİDEO

“Mütləq çempion olmaq kimi məqsədimiz yoxdur” – Rəşad Sadıqov

“Araz-Naxçıvan” “Zirə”yə belə qalib gəldi – VİDEO

“Kəpəz” “Qəbələ”yə belə uduzdu – VİDEO

Azər Məmmədov: “Çempionatın sonuna qədər…” – VİDEO

Elmar Baxşıyev: “Qələbə təsadüfi də ola bilər” – VİDEO

Gəncə azarkeşlərindən Tərlan Əhmədov səsləri – VİDEO

“Səbail”lə “Sabah”dan məhsuldar heç-heçə – VİDEO

“Turan Tovuz” “Neftçi”yə belə uduzdu – VİDEO

“Qəbələ” “Qarabağ”a belə uduzdu – VİDEO

“Səbail” “Araz-Naxçıvan”a belə qalib gəldi – VİDEO

“Sabah”la “Kəpəz”dən məhsuldar heç-heçə – VİDEO

“Zirə”nin “Neftçi” ilə heç-heçəsi – VİDEO

Turun açılış matçında heç-heçə – VİDEO

Millimiz Niderlandı belə darmadağın etdi – VİDEO

“Qarabağ” “Sabah”ı belə məğlub etdi – VİDEO

“Qəbələ”nin “Turan Tovuz”la heç-heçəsi – VİDEO

“Səbail”dən darmadağın – VİDEO

Azər Məmmədov: “Oyunumuz alınmadı” – VİDEO

Facebook

Gündəm