Layihə
GÜNÜN NİDASI: Şübhəli oyunların siyahısı!
I divizionda şübhəli oyunlarla bağlı yeni xəbərlər var. B?…
I divizionda şübhəli oyunlarla bağlı yeni xəbərlər var. Bəzi klublar yenə danışılmış oyunlarla məşğuldu, nəticəni əvvəlcədən müəyyənləşdirirlər.
Hələlik 3 oyunla bağlı “Futbolinfo”ya məlumat daxil olub. Və onların hamısında Premyer Liqa klublarının əvəzediciləri yox, məhz “köhnə qəhrəmanlar”ın adı çəkilir.
AFFA çempionatı indiki formata salmaqla virusun kökünü kəsmək istəyirdi. Amma bəzi klublar var ki, onlar hələ də ağıllanmayıb. Ötən illərdə də adı şübhəli oyunlarda hallanan, lakin hansısa “ilahi qüvvə”nin təsiri ilə indiyədək yarışda saxlanan, assosiasiyadan maliyyə almağa davam edən 2 komanda var. Və məhz onlar virus yatağı olmağa davam edirlər.
Belə “oyunlar”da bütün komanda iştirak etmir. Komandaların bəzi oyunçuları ssenarini cızır və onun reallaşması üçün hər şey edirlər.
Şübhəli oyunlar siyahısında ilk pillədə “Ağsu” – “Sumqayıt-2” görüşüdü. Sentyabrın 20-də baş tutmuş 4-cü tur matçında meydan sahibləri könüllü təslim olub. Öz meydanında bol qollu matçda uduzması lazım gələn ağsulular ilk qolu 26-cı dəqiqədə buraxıb. Cavab topu vurduqdan sonra daha birini buraxmağı planlaşdıran meydan shibləri bunu bacarmayıb. Bu səbədən matçın sonlarında öz qapılarını “açıq qoyublar”.
AFFA rəsmiləri həmin matçın videoyazısına mütləq baxsın. 86 və 90+2-ci dəqiqələrdə buraxılan qollar təsadüfi deyil. “Ağsu”dan heç kim rəqibə mane olmur, onlar da rahatca böyük hesabı təmin edirlər. Həm qonaqların qələbəsi, həm də “üst” reallaşır.
Bildiyimizə görə, hətta qonaqların məşqiləri də bu qollardan narahat olub, öz futbolçularından ehtiyat edib. Amma işi düzüb-qoşan meydan sahiblərinin özü imiş.
Sentyabrın 28-də baş tutan “Turan Tovuz” – “Zaqatala” matçının heç-heçə bitəcəyi də əvvəlcədən müəyyənləşibmiş. Oyun ssenariyə uyğun keçib və 86-cı dəqiqədə qonaqlar penatini də “boşa verib”. Bu zərbəni cəmi 3 dəqiqə əvvəl meydana çıxan futbolçu qola çevirməyib. Videoyazısına baxıb, araşdırmaq lazımdı.
Nəhayət, son turun MOİK “Ağsu” qarşılaşması da bu siyahıdadı. Liderin evdə autsayderə xal bağışlaması təsadüf sayılmamalıdı. 1:1 çox adamı məyus edib, matçdan öncə xəbəri olan bir çoxlarını da qazanca çatdırıb.
Gördüyünüz kimi, yenə baş rolda divizionun “köklü” komandalarıdı. Kimisə ittiham etmirik, informasiyamız səhv ola bilər. Araşdırmaq AFFA-nın işidi, biz istiqamt verməklə kifayətlənirik. Virus əvəzedicilərə bulaşmamış qarşısını almaq lazımdı. Xüsusilə “Ağsu” – “Sumqayıt-2” matçını ciddi incələmək lazımdı.
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Müsahibə2024-04-10 11:44
Subaşiç “Neftçi” və “Qəbələ”yə görə məyusdur: “Rəhbərlik heyət və məşqçi ilə bağlı qərar verməlidir”
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…