Premyer-liqa
Sənan Qurbanov: “İkinci hissədən çox narazıyam”
“Qəbələ”nin baş məşqçisi Sənan Qurbanov Topa…
“Qəbələ”nin baş məşqçisi Sənan Qurbanov Topaz Premyer Liqasının 10-cu turu çərçivəsində “Sabah”a qarşı keçirdikləri oyunu şərh edib.
Futbolinfo.az xəbər verir ki, o, 2:1 hesabıyla qalib gəldikləri oyundan sonra bunları söyləyib:
– Bu oyuna qələbə üçün çıxmışdıq. Üç xal çox vacib idi. Oyunçularıma davamlı pressinq etmələrini tapşırmışdım. İlk hissədə kifayət qədər imkanlar olsa da, istifadə edə bilmədik. İkinci hissədən isə çox narazıyam.
– İkinci hissədəki zəif çıxışın səbəbi nə idi? Ceymsin oyununda açıq-aşkar irəliləyiş var. Bunun necə dəyərləndirirsiz?
– İkinci hissədə çox zəif idik. Pressinq tətbiq edən oyunçular bir az daha müdafiəyə çəkildi. Ona görə ola bilər. Ceyms əvvəllər bu qədər yaxşı deyildi. Sonradan məşqlərdə özünü yaxşı tərəfdən göstərdi və özünü sübut etdi.
– Cavid Hüseynov zədəsi olduğuna görə ehtiyatda idi?
– Cavid Hüseynovun ehtiyatda qalması taktiki gediş idi. İlk oyunu təhlil etdiyimizə görə, bu gün belə bir qərar verdik. O, bizim ən dəyərli oyunçumuzdu.
– Növbəti həftə "Qarabağ"ı qəbul edirsiz. Məşqlərə Qəbələdə davam edəcəksiz, yoxsa Bakıda?
– Bizim əksər oyunçularımız Bakıda yaşayır. Burada qalıb məşq edə bilməyəcəyik.
– Təmkin əvəzləməsindən çox narazı idi…
– O, çox aqressiv futbolçudu. Əvəzləməyə ehtiyac olduğu üçün bu addımı atdım. (Sportnet)