Samir Abasov: “Bu gün meydanda bir komanda var idi”

“Zirə”nin baş məşqçisi Samir Abbasov Topaz Premyer Liqasının 10-cu turu çərçivəsində “Səbail”ə qarşı keçirdikləri oyunu şərh edib.

Futbolinfo.az xəbər verir ki, o, 0:0 hesabıyla başa çatan oyundan sonra bunları söyləyib:

– Belə oyundan sonra nəsə demək çox çətindi. Futbolçuların paltardəyişmə otağındakı üzüntüləri mənə də keçir. Çox çalışıram ki, onları həvəsləndirim. Yenə də, bu oyunlar məni motivasiya edir. Yaxşı addımlayırıq. Mən işlədiyim klublarda bərabərliyin arxasınca düşən adam olmamışam, sevinməmişəm. Düşünmüşəm ki, bizi izləyənlər, əziyyət çəkənlər var. Bu gün meydanda bir komanda var idi. Bu oyun bizi ruhdan salmalı deyil, gələn oyunlara hazırlaşacağıq.

– Cəmi bir əvəzetmə etdiniz. Heyət sizi qane edirdi?
– 15 dəqiqə qalmış ikinci hücumuçunu buraxdıq. Futbolçular oyunun tempinə düşmüşdülər. Bunu dəyişməklə risk etmək istəmədim.

– Komanda oynayır, amma ustalıq səviyyəsi sizi qələbədən məhrum edir. Transferlər üçün qışı gözləyirsiz?
– Əlimdəki futbolçularla qışa, yaxud yaya qədər işləməliyəm. Ümumi hücum xəttinin üzərində işləməyə ehtiyac var. (komanda.az)