Ölkə futbolu
Stuxliklə artan dəqiqələr
Topaz Premyer Liqasının dünən keçirilən hər 2 oyunund…
Topaz Premyer Liqasının dünən keçirilən hər 2 oyununda hakimlər ikinci hissənin əsas vaxtına 6 dəqiqə əlavə etdi. Qəbələdəki matç üçün bu, xeyli çox, “Bakcell Arena”dakı görüş üçün normal idi.
Amma çempionatımızda belə qərarlara öyrəşməmişik. 3, bəzən 4 dəqiqə əlavələr izləyirdik ki, bu da adətən oyunçu dəyişiklikləri zamanı itirilən vaxtın kompensasiyası üçün standart prosedur idi.
Bəs, hakimlərimizə nə olub? Onları bu qədər ürəyiaçıqlığa nə vadar edir?
Bildiyimizə görə, AFFA Hakimlər və Hakim-İnspektorlar Komitəsinin yeni sədri Frits Stuxlikin istəyi əsasında belə edilir. FIFA və UEFA-nın tövsiyələrini nəzərə alan əcnəbi mütəxəssis, hər oyunçu dəyişikliyi üçün 0,5, həkimlərin hər dəfə meydana girməsi üçün isə 1 dəqiqə əlavə olunmasını hakimlərə tapşırıb. Ona görə də son matçlarda 5, 6, hətta ötən turda olduğu kimi, 8 dəqiqəlik əlavə vaxtlar izləyirik.
Ümumiyyətlə, 10-cu turda hakimlər iki hissəyə 25 dəqiqə əlavə edib. Ötən tur bu rəqəm 28, 8-ci turda 24-lə ölçülürdü. Müqayisə üçün Stuxlikin olmadığı ilk turlara nəzər salaq: 1-ci turda 19, 2 və 3-cü turlarda 20 dəqiqə 4 oyunun əsas vaxtına əlavə edilmişdi.
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Premyer-liqa2024-04-20 20:55
“Zirə” “Neftçi”yə qalib gəldi
- Ölkə futbolu2024-04-21 08:00
Andersonun dediyi kimi…