Ölkə futbolu
Gəncədə hakim biabırçılığı: öncə uşaq liqaları, sonra böyüklər
AFFA Region Liqasına səhlənkar yanaşmaqda davam edir. Bölgəl…
AFFA Region Liqasına səhlənkar yanaşmaqda davam edir. Bölgələrdə top oyununun inkişafı, təbliği, eyni zamanda kütləviliyə nail olmaq üçün düşünülən yarışa assosiasiya özü barmaqarası münasibət bəsləyir.
Futbolinfo.az xəbər verir ki, dünən Gəncədə Region Liqası çərçivəsində növbəti matç baş tutub və oyunətrafı olaylar AFFA-nın bu yarışa münasibətini ortaya qoyub. Futbolçulara, xüsusilə də hakimlərə robot gözüylə baxan təşkiltçılar kolxoz prinsiplərini tətbiq ediblər.
Şimal-Qərb regionunun “Qoşqar UGİM-2” – “Energetik” matçı təyin olunan vaxtdan yarım saat gec başlayıb. Səbəb hakimlərin oyuna gecikməsidi. Və onlar məsuliyyətsizlik üzündən deyil, iş başında olduqlarından komandaları meydanda gözlədib.
Əvvəla onu qeyd edək ki, matça mingəçevirli hakimlərin təyinatı gəncəlilərin narazılığına səbəb olub. Adətən hansısa rayonu təmsil edən briqadalar həmyerlilərinin matçına təyinat almır. Yalnız əksəri Bakıdan olan referilərdə bu hala göz yumulur, onların təyinatı zamanı da haralı olmaları nəzərə alınır. Lakin bu dəfə Mingəçevir klubunun səfər matçına elə mingəçevirlilər göndərilib.
Bu təyinat matçda da özünü göstərib. Qonaqların 2:1 hesabıyla qalib gəldiyi matçda bir neçə dəfə yanlış ofsayd qərarı verilib, eləcə də meydan sahiblərinin vurduğu qol sayılmayıb. Düzdü, “Energetik”in bir oyunçusu meydandan qovulub, amma istənilən halda əksər qərarlar meydan sahiblərinin narazılığına səbəb olub.
Ən böyük biabırçılıq hakimlərin oyuna gecikmə səbəbi ilə bağlıdı. Sən demə, mingəçevirli ədalət təmsililəri 1 saylı Uşaq Gənclər İdman Şahmat Məktəbinin meydanındakı oyundan xeyli öncə orada olub, amma…
…Amma fit sahibləri burada, məktəbin ərazisində baş tutan, AFFA-nın təşkil etdiyi uşaq liqalarının oyununu idarə edirmiş. Onlar bütün oyunları yola verdikdən, tur tam başa çatdıqdan sonra Region Liqası matçına yollanıblar. Halbuki böyüklərin oyununa kimi onlar istirahət etməli idilər. 90 dəqiqəlik matç öncəsi digər qarşılaşmaları idarə etmələri hakimlərin səhv qərarlarını şərtləndirməlidi. Yəqin ki, dolanışıq üzündən onlar daha çox qonorar almaq üçün bu təyinata razılaşıblar. Əks halda, gün ərzində bir neçə matçı yaxşı idarə etmək fiziki cəhətdən də mümkünsüzdü.
AFFA Hakimlər və Hakim-İnspektorlar Komitəsinin sədri Frits Stuxlikin vətəni Avstriyada, digər Avropa ölkələrində belə təcrübəsi olduğuna inanmırıq. Ya AFFA-da onun fikrini nəzərə almırlar, ya da o, burada dəlləklik öyrənmək istəyir. Həm uşaq, həm də böyüklərin oyununu, həm də eyni gündə idarə edən “universal” hakimlər yetişdirmək üçün gəlibsə, bu, Stuxlikdə alınacaq…
FƏRİD
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Müsahibə2024-04-10 11:44
Subaşiç “Neftçi” və “Qəbələ”yə görə məyusdur: “Rəhbərlik heyət və məşqçi ilə bağlı qərar verməlidir”
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…