Ölkə futbolu
Sergeyçuk Bakıda daha çox azarkeş gözləyirmiş
UEFA Avropa Liqasının qrup mərhələsinin 4-cü turunda “…
UEFA Avropa Liqasının qrup mərhələsinin 4-cü turunda “Vorskla” evdə “Qarabağ”ı qəbul edəcək. Bakıdakı ilk oyunda Ağdam klubunu 1:0 hesabı ilə məğlub edən poltavalıların hücumçusu Mixail Sergeyçuk futbolinfo.az-a müsahibə verib. O, növbəti oyunda komandaların şanslarını dəyərləndirib və ilk matçdakı qalibiyyətdən danışıb.
– “Qarabağ”la evdəki oyuna hazırsız?
– Biz, bu matça ciddi şəkildə hazırlaşmışıq. Evdə oynayacağımız üçün məsuliyyətimiz daha da artır. Düşünürəm ki, bu cür qarşılaşmada doğma meydan amili, azarkeş dəstəyi bizə kömək olacaq. Növbəti qələbəyə köklənmişik və hazırıq.
– Bakıda hamı “Qarabağ”ın qələbəsini gözləsə də, siz qalib gəldiniz. Düşündüyünüz kimi 3 xal qazandınız, yoxsa Bakıda heç-heçə gözləyirdiniz?
– Bizim öz oyun planımız var. Daim buna uyğun davranmağa çalışırıq. Hansı ki, həmin plan bizim nəticələrin səbəbidir. Bakıda da eyni cür oldu və biz qalib gəlik. Düşünürəm ki, ağıllı oynadıq və 3 xalla geri döndük.
– Ötən il Çempionlar Liqasında “Qarabağ”ı izləmişdinizmi? Əgər izləmişdinizsə, həmin komandaya “Vorskla” qalib gələ bilərdimi?
– “Qarabağ”ın ötənilki oyunlarını elə də diqqətlə izləyə bilməmişəm. Ona görə də dəqiq bir söz deyə bilməyəcəm.
– “Qarabağ” üzərindəki qəlbədən sonra qrupdan çıxmağa ümid edirsinizmi?
– Düzdür, bir qələbə ilə hər şeyi demək olmaz. Amma şanslarımız qalır. Biz də bu şanslardan istifadə etməyə çalışacağıq. Düşünürəm ki, əlimizdən gələni etsək, bacararıq. Əsas odur ki, qarşıdakı oyunda da Azərbaycan təmsilçisini məğlub edək.
– Azərbaycan təmsilçisinin Poltavada qalib gəlmək şansını nə qədər dəyərləndirərdiniz?
– Biz daha çox qələbəyə köklənmişik. Bakıdakı nəticəni təkrarlamaq niyyətimiz var. Amma yenə də kimin güclü olduğunu demək çətindir. Bunu oyun göstərəcək.
– Səncə, “Qarabağ” Bakıda gözlənilən oyunu göstərdi…
– “Qarabağ” Bakıda yaxşı oynadı. Hətta qol epizodları da var idi. Amma biz də pis oynamadıq. Düşünürəm ki, “Vorskla” öz futbolunu göstərib meydandan 3 xalla ayrıldı.
– Bakı Olimpiya Stadionu sizi məyus etmədi?
– Mən daha çox azarkeş gözləyirdim. Düşündüyüm o idi ki, stadion dolacaq. Qazona gəlincə, normal vəziyyətdə idi. Düşünürəm ki, Avropa Liqası finalına ev sahibliyi edə biləcək stadiondur.
AĞA