Ölkə futbolu
Qazona yazılan nəticə
Topaz Premyer Liqasının 11-ci turunun ilk günündə maraql?…
Topaz Premyer Liqasının 11-ci turunun ilk günündə maraqlı görüntülər var idi. Hər 2 matçda orijinal pankartlar diqqər çəkirdi.
“Sabah” – “Səbail” oyununda qonaq fanatların açdığı “Əsas ürəyimiz yox, protokolumuz düz olsun” pankartı kreativ idi. İki dəfə rəqiblərin protokol səhvi üzündən texniki qələbə qazanan “dənizçilər” məhz buna işarə etmişdi.
Maraqlıdı ki, polislər bu plakatı tez yığışdırtdılar. Səbəbi özlərinə qalsın, amma gözəl görüntünü dəyənək gücünə korlamaq lazım deyildi.
“Neftçi”nin xanım azarkeşlərinin plakatı da maraqlı idi. Hələlik kiçik qrup halında olan zəriflər rəqibin zəif olmasına “ilişmişdi”. Şəkildə 3 xanım görünsə də, “Xalınız qədər gəlmişik, “Zirə” yazmaqla təbəssüm yaratmışdılar. “Zirə”nin bu matça kimi 5 xalı olduğunu nəzərə alsaq, azarkeşlər heç bu sayı da düzəldə bilməmişdilər.
Daha bir görüntü bizim diqqətimizi çəkdi. “Bakcell Arena”nın qazonu elə biçilmişdi ki, X hərfi gözə girirdi. “Neftçi”nin mətbuat xidmətinin işçiləri ilə zarafatlaşarkən onlardan birinin cavabı orijinal oldu: “Oyun X (yəni, heç-heçə) bitəcək, ona görə belə etmişik”. Tərslikdən ürəyə daman, dilə gələn sonda reallaşdı – matç 2:2 bitdi.
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…
- Digər idman növləri2024-04-12 00:29
“Anadolu Efes” növbəti mərhələdə