Ölkə futbolu
“Sumqayıt” bu gün Abbasovla anlaşacaq: Çixradze də namizəd imiş
“Sumqayıt” bu gün yeni baş məşqçisini elan…
“Sumqayıt” bu gün yeni baş məşqçisini elan edəcək. Dünən Nazim Süleymanovla yollarını ayıran “kimyaçılar” onun xələfini müəyyənləşdirmək üzrədi.
Futbolinfo.az xəbər verir ki, dünən “Sumqayıt” rəhbərliyi gün ərzində təyinatla bağlı müzakirə aparıb. Süleymanovla yolların ayrılacağı daha öncədən ehtimal edildiyindən bəzi məşqçilərdən fikirləri də soruşulub, əksəriyyət yalnız post vakant olduğu halda danışa biləcəklərini deyib. Dünən isə əməli addımlar atılıb.
Bildiyimizə görə, “Sumqayıt”ın namizədlər siyahısında xeyli məşqçi olub, onlardan 4-ü üzərində dayanılıb. İşsiz olan əksər yerli məşqçilərin namizədliyinə baxılsa da, yalnız Ayxan Abbasovla Samir Əliyevlə təmasa keçmək lazım bilinib. Eyni zamanda 2 əcnəbi məşqçi barədə müəyyən söhbətlər olub, ancaq sponsorlar onların üzərindən xətt çəkib.
Birinin adını dəqiqləşdirə bilməsək də, iki əcnəbidən digəri Georgi Çixradze imiş. “İnter”də çalışan, “Simurq”da baş məşqçi olan gürcüylə bağlı müzakirə qısa zamanda bitib. Ölkəmizdə işləmiş digər əcnəbi də “like” almayıb.
Samir Əliyev təklifə isti yanaşmayıb və “Səbail”də idman direktoru kimi davam etməyə qərar verib. Belədə əsas namizəd Ayxan Abbasov olaraq qalıb. Bu gün onunla danışıqlar yekunlaşmalıdı. Qeyri-adi hadisə baş verməsə, o, günortaya kimi “Sumqayıt”ın yeni baş məşqçisi təyin olunacaq. Ancaq hər şey klub prezidenti Riad Rəfiyevlə bu səhərki söhbətdən, razılamanın detallarının dəqiqləşməsindən asılıdı.
Xatırladaq ki, Abbasov mövsümün əvvəlində “Zirə”dən ayrılıb. Onu əvəz edən Samir Abasovun isə son iş yeri məhz “Sumqayıt” olmuşdu.
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…