Ölkə futbolu
Vəli Qasımov üçün 10 qol
Bayıl stadionunda sabiq futbolçu Ukrayna, Rusiya, İspaniya v?…
Bayıl stadionunda sabiq futbolçu Ukrayna, Rusiya, İspaniya və Portuqaliyada legioner karyerası yaşamış, 1992-ci il Rusiya çempionatının bombardiri Vəli Qasımovun 50 illik yubileyinə həsr olunmuş yoldaşlıq oyunu keçirilib.
Futbolinfo.az xəbər verir ki, oyunda şərti olaraq “Dostlar” və “Veteranlar” adlandırılmış komandalar üz-üzə gəlib. “Veteranlar”ın heyətində Elxan Həsənov, Novruz Əzimov, Ədəhim Niftəliyev, Tərlan Əhmədov, Şahin Diniyev, Nazim Süleymanov, Yunis Hüseynov, Yaşar Vahabzadə, Vəli Qasımov (k), Samir Ələkbərov, Mahmud Qurbanov və Əli Abışov, “Dostlar”da isə Rinat Dassayev, Viktor Losev (K), Xuan Xose Kamaço, Valeri Şmarov, Roberto Bordin, Dmitri Ananka, Nikolay Pisarev, Xoakin Parra, İqor Kolıvanov, Adolfo Aldana, Çiqi Konde və Ramiz Əhmədov yer alıb. Vəli Qasımov ikinci hissədə “Dostlar”ın heyətində çıxış edib. “Veteranlar”ın baş məşqçisi Valeri Qazzayev, “Dostlar”ın çalışdırıcısı isə Kazbek Tuayev olub.
Qarşılaşma 5:5 hesabı ilə başa çatıb.