Dünya futbolu
Foqts: “Millətlər Liqası dərhal ləğv olunmalıdı”
Futbol üzrə Azərbaycan millisinin keçmiş baş məşq&cc…
Futbol üzrə Azərbaycan millisinin keçmiş baş məşqçisi Berti Foqts UEFA Millətlər Liqası turnirinin əleyhinədi.
Futbolinfo.az xəbər verir ki, alman mütəxəssis “t-online.de” saytındakı sütun yazısında Millətlər Liqası turnirinin dərhal ləğv olunmalı olduğunu yazıb:
"UEFA Millətlər Liqası dərhal ləğv olunmalıdı. Əlavə turnirin oyunlarına hazırlıq zamanı baş məşqçilər dəyişiklikləri sınaqdan çıxarmaq, dəyişikliklər etmək üçün vaxt sərf ediblər. Necə ki, bundan ötrü hazırda Almaniya yığmasının baş məşqçisi Yoahim Löv çalışır”.
Foqts vaxtı ilə çalışdırdığı Almaniya millisinin Millətlər Liqasındakı iştirakına toxunub. Almaniya millisi A qrupunda 3 oyundan sonra 1 xalla 3 komandalı qrupun sonuncusudur. Almanların qrup sonuncusu kimi B liqasına düşmək ehtimalı var. Foqts isə sabiq komandasının aşağı liqada oynamasının daha müsbət nəticə verə biləcəyini deyib:
"Əksinə, bu, Almaniya üçün üstünlük ola bilər. Çünki növbəti Millətlər Liqasında zəif komandalara qarşı oynayacaq və 2022-ci il dünya çempionatına daha az təzyiq altında hazırlaşacağıq".
Foqts Azərbaycan millisində 2008-2014-cü illərdə baş məşqçi olub.