Müsahibə
“0:0-lıq heç-heçə olacağını düşünmürəm” – Amir Rrahmani
UEFA Millətlər Liqasında Azərbaycan yığması ilə qarşılaşaca…
UEFA Millətlər Liqasında Azərbaycan yığması ilə qarşılaşacaq Kosovo millisinin futbolçusu Amir Rrahmaninin futbolinfo.az saytına müsahibəsi:
– Millətlər Liqasının son turudu və hər kəs finala bərabər Kosovo – Azərbaycan matçını gözləyir. Qarşılaşma haqqında fikirləriniz necədi?
– Azərbaycan yığmasının itiriləcək heç nəyi yoxdu. Rəqib oyunda qalib gəlmək üçün hər şey edəcək. Böyük ehtimalla ilk dəqiqələrdən hücumda oynayacaqlar. Lakin bizim üçün də dəyişən heç nə yoxdu. Digər bütün oyunlar kimi bu matçı da qazanmaq üçün əlimizdən gələni edəcəyik.
– Hər kəs düşünür ki, Kosovo millisinə heç-heçə də bəs etdiyi üçün kifayət qədər rahat oynayacaq və bu onlar üçün üstünlükdü…
– Deməzdim. Çünki rəqib bizə təzyiq edəcək. Bu da bizi məcbur edir ki, əvvəlki matçlar kimi öz oyunumuzu ortaya qoyaq. Meydana qələbə üçün çıxmalıyıq. Başqa şey düşünmürük.
– Azərbaycan Farer adaları üzərində qələbə qazansa da, yaxşı oyun ortaya qoymadı. Bu sizə ümid vermədi?
– Azərbaycanın heyətində yaxşı futbolçular var və eynilə Kosovo da yaxşı vəziyyətdədi. Ancaq futbol bilirsiniz ki, bir gecədə 1 dəfə oynanılacaq. Bir gecədə bir matçın hər anında komandaların taleyi həll oluna bilər. Buna hazırlıqlı olmalıyıq. Düşünürəm ki, oyunda erkən qol vurmalıyıq. Bu bizi bir qədər rahatlaşdıra və ən azından heç-heçə üçün daha rahat olmağımıza gətirib çıxara bilər.
– Baş məşqçiniz bildirdi ki, Millətlər Liqası başlamamışdan öncə bilirdim ki, Kosovo və Azərbaycan Priştinada final oynayacaq. Siz bunu düşünürdünüz?
– Əlbəttə. Azərbaycan və Kosovo digər iki komandadan güclü idi. Buna səbəb hər iki komandanın heyətində güclü futbolçuların olması, önəmli oyunçuların yaxşı klublarda çıxış etməsidi. Ona görə də Malta və Farer adalarının sona kimi müqavimət göstərməyəcəyini düşünürdüm. Onlarda bu qədər keyfiyyətli futbolçular yoxdu.
– İlk oyunda heç-heçə olmuşdu. Səncə, bu dəfə də oxşar nəticə təkrarlana bilərmi?
– Futbolda heç vaxt əvvəlcədən deyə bilməzsən ki, nəticə bu cür olacaq. Heç-heçə olacağını və ya hansısa komandanınn qalib gələcəyini indidən demək düzgün deyil. Amma mən 0:0-lıq heç-heçə olacağını heç düşünmürəm.
AĞA
- Premyer-liqa2024-04-14 20:55
“Qarabağ” “Sabah”a uduzdu
- Premyer-liqa2024-04-14 22:16
“Bir rəqiblə 4 dəfə oynamaq bizim üçün maraqsızdır” – Qurbanov
- Ölkə futbolu2024-04-15 08:00
Hakim kömək etmədi, “Səbail” yenə qələbəsiz qaldı
- Ölkə futbolu2024-04-16 13:19
AFFA-da fırtınaqabağı sakitlik: maliyyə yoxlaması davam edir