Ölkə futbolu
Kamran Ağayevin vərdişi
“Əksər oyunlardan sonra hakimlər otağına daxil oluram. Təc…
“Əksər oyunlardan sonra hakimlər otağına daxil oluram. Təcrübəli milli üzvləri ölkədaxili qarşılaşmalardan sonra hakimlər otağına girirlər. Burda hansısa başqa məqam axtarmağa ehtiyac yoxdu”.
Yeni qaydalardan xəbərimiz yox imiş. Sən demə, Əsasnamədə yazılıb ki, milli üzvləri hakimlər otağına istədiyi vaxt girə bilər. Kamran Ağayev də bir növ buna adət edib, imkan düşən kimi fit sahiblərinə dərs verməyə gedir.
Ağayev bu fikirləri “Qarabağ”la son kubok matçından sonra səsləndirib. “Keşlə”nin qapıçısı matçdan sonrakı qalmaqallı hərəkətinə bəraət qazandırarkən belə deyib.
Bu gün AFFA İntizam Komitəsi olaya münasibətini rəsmi qərarla bildirməlidi. Qurum üzvlərinin qərar verərkən Ağayevin bu fikirlərini də nəzərə alacağını ümd edirik. Yəni, bəlkə də ilk belə hal olduğu üçün Kamranı bağışlamaq olardı, lakin indiyədək dəfələrlə analoji hal baş verdiyini səbəbkar özü etiraf edir. Deməli, onu ağıllandırmaq üçün cəza labüddü.
Yeri gəlmişkən, qərarı səbrsizliklə gözləyirik. Çünki oyunu baş hakimi Vüqar Həsənlidən protokola niyə qeydlər etməməsi barədə soruşacaqlarımız olacaq. Eyni zamanda matçın AFFA nümayəndəsi Eldəniz Musayev də bəzi suallara cavab verməlidi. Hamı üçün maraqlıdı: əzələ gücü, hədə-qorxu olan yerdə Əsasnamə yaddan çıxmalıdımı?
- Ölkə futbolu2024-05-21 09:45
“Qarabağ” 3-cü təsnifat mərhələsində də səpələnmişlər sırasında yer alacaq
- Ölkə futbolu2024-05-22 10:32
“Səbail”ə sponsor zərbəsi: büdcə azaldıldı
- Ölkə futbolu2024-05-21 08:00
Musa Qurbanlı Türkiyə klublarından imtina edib
- Ölkə futbolu2024-05-21 16:00
“Qarabağ”ın ÇL-in yeni mövsümünə 2-ci mərhələdən başlaması ehtimalı böyükdür” – Asif Əsgərov