Ölkə futbolu
“Neftçi” pul tapmadı, Kvekveskiri “Tobol”da qaldı
Qış transfer pəncərəsi dövründə heyətini güclən…
Qış transfer pəncərəsi dövründə heyətini gücləndirmək istəyən “Neftçi”nin cəhdləri hələlik fayda vermir. Bakılıların büdcəsi almaq istədikləri oyunçuların keçidi üçün kifayət etmir. “Neftçi” səviyyəli oyunçular almaq istəyir, lakin belələri də çox bahalıdı.
“İnter” və “Qəbələ”də uğurlu çıxışından tanıdığımız Nika Kvekveskitinin transferi də bu səbəbdən reallaşmayıb. Gürcüstan millisinin üzvü ilə danışıqlar məhz dayaq yarımmüdafiəçisinin çox pul istəməsinə görə dayanıb. İllik 250 min avro maaş istəyən Nikanı razı salmaq mümkün olmayıb. O isə Qazaxıstan “Tobol”u ilə bitən müqaviləsini yeniləyib və daha 2 il bu klubda qalmağa razılıq verib. Kvekveskiri “Neftçi”dən istədiyini qazax klubundan alıb.
Yayda Baqali Dabonu “Qəbələ”dən “oğurlayan” “Neftçi” bu klubun daha bir oyunçusuna da maraq göstərir. Amma Stiven Monrozu paytaxta gətirmək çətindi. “Qırmızı-qaralar”ın liderinin illik müqaviləsi 280 min dollardı. Ən bahalı oyunçusu Dabo olan bakılılar isə daha çox pul istəyən digər fransıza “hə” deyə bilmir. Monrozu bir sıra Türkiyə klubarı da istədiyindən məbləğin aşağı düşməsi real deyil. “Qəbələ”yə gəlincə, onlar bu futbolçunu yaxşı kompensasiya qarşılığında buraxmağın əleyhinə deyil.