Ölkə futbolu
"Qarabağ"la oyun "Neftçi" azarkeşləri üçün ödənişli olacaq
Premyer Liqanın 15-ci turunda keçiriləcək “Qarabağ&rd…
Premyer Liqanın 15-ci turunda keçiriləcək “Qarabağ” – “Neftçi” oyunu flaqmanın azarkeşləri üçün ödənişli olacaq. Paytaxt klubunun rəsmi feysbuk səhifəsinin yazdığına görə, oyunu izləmək istəyən paytaxt təmsilçisinin fanatları üçün Tofiq Bəhramov adına Respublika stadionunun 5-ci və 6-cı sektorlarında yer ayrılacaq.
Bilet satışı oyun günü saat 15:00-dan etibarən həmin stadionda həyata keçiriləcək. Biletlərin qiymətinin bir manat olacağı nəzərdə tutulub.
Görüş fevralın 3-də saat 18:30-da başlanacaq. "Neftçi"nin mətbuat xidmətinin rəhbəri Rüstəm Allahverdiyev məsələyə münasibət bildirib. O, flaqmanın ev oyunlarında həm öz, həm də qonaq komanda azarkeşləri üçün bilet satdığını və ona görə də "Qarabağ"ın yalnız "Neftçi" fanatları üçün girişi pullu etmək istəyinə qarşı çıxmadıqlarını vurğulayıb.