Premyer-liqa
Samir Abasov: “Onda, mən də qoşulub dava etməliyəm”
“Zirə”nin baş məşqçisi Samir Abasov Premyer Liq…
“Zirə”nin baş məşqçisi Samir Abasov Premyer Liqanın 22-ci turu çərçivəsində “Səbail”ə qarşı keçirdikləri oyunu şərh edib.
Futbolinfo.az xəbər verir ki, o, 1:2 hesabıyla məğlub olduqları oyundan sonra təşkil olunan mətbuat konfransında bunları dilə gətirib:
– Uduzmağımıza baxmayaraq, yaxşı oyun keçdi. Futbolçularımızdan həddən artıq razıyam. Onlardan ürəklə, ağızdolusu danışmaq istəyirəm. Təəsüsf ki, iki yarımepizod məğlubiyyətə səbəb oldu. Rəqibə də heç-heçəyə gəlmişdi. Gedişatdan da bəlli idi, meydandakı hərəkətlərdən idi. Bu da normaldı. Bizə çətin olsa da, yaxşı oynayırıq. Maşallah, son vaxtlar çox yaxşı oyun göstəririk. Ümid edirik ki, vaxt gələcək, nəyəsə nail olacağıq.
– Oyundan sonra qalmaqal oldu. Nə baş verdi? Rəqibin futbolçularının qələbəni çılığınla qeyd etməyinizə etiraz etdiniz?
– Özüm də başa düşmədim, nə oldu. Bizə işarə vurdular ki, bizim futbolçularla onların oyunçuları arasında münaqişə olub. Gedib sakitləşdirdim. Ancaq bilmədim nə baş verib. Heç araşdırmaq da istəmirəm. Emosiyalar üzərində qurulur.
– Onların qələbəni belə qeyd etməyi sizə acıq oldu?
– Yox. Acığımıza gəlsə də, nə olacaq? Onda, mən də qoşulub dava etməliyəm. Ancaq fikrim də yox idi. Bu olay önəmli deyil.
– Hakimlik haqda nə deyə bilərsiniz?
– Vaxtın həddən artıq uzanmasına görə narahat idim və narazılığımı bildirdim. Rəqibin sol cinah müdafiəçisi (Şəhriyar Rəhimov-müəllif) ilk dəqiqələrdə futbolçumuza qarşı çox sərt oynamağına narazılığı bildirdim. Bizdə belə tendensiya var idi ki, belə epizodda reaksiya gəlmədi. Oyun həddən artıq yersiz uzanırdı.
– 3-cü yerdə gedən "Səbail"lə xal fərqiniz artıq 12-yə qalxdı. Çempionatda medalçı olmağa ans demək olar qalmır?
– Yox. Şansımızı qoyurub saxlayırıq. Hər bri oyunda udmaq bizə motivasiya olacaq. (Sportnet)
- Ölkə futbolu2024-04-19 21:00
“Sumqayıt” avrokubok iddiasını davam etdirir
- Premyer-liqa2024-04-19 18:26
“Turan Tovuz” “Sumqayıt”a böyük hesabla məğlub oldu
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq