Ölkə futbolu
Aslan Kərimovla bağlı yalan yığını
“Futbolinfo”nun daha bir xəbəri təsdiqləndi. “CB…
“Futbolinfo”nun daha bir xəbəri təsdiqləndi. “CBC Sport”un daimi eksperti Aslan Kərimovun kanaldan uzaqlaşdırılması ilə bağlı bu səhər yaydığımız informasiyaya hər iki tərəf “doğrudu” dedi.
Sabiq futbolçunun milli komanda haqqındakı tənqidi çıxışına görə işindən olduğu dəqiqdi. Bu, kanalın sahiblərindən olan AFFA rəhbərliyinin xoşuna gəlməyib və onu yola salmaq lazım bilinib. Amma həm kanal rəhbərliyi, həm də səbəbkar bu məqamı gizlətməyə çalışır, dost kimi ayrılma görüntüsü yaradır.
“CBC Sport”un baş direktoru Volkan Üstün qol.az-a açıqlamaları çox maraqlıdı. Aşkar görünür ki, türkiyəli məmur yalan danışır, ağalarından tapşırıq aldığı üçün bu addımın atıldığını gizlətməyə cəhd edir.
Sitat: "Aslan Kərimovla iki il əməkdaşlıq etdik. Bundan məmnunuq. Sadəcə, efir rəngarəngliyininin artırılması üçün onunla müqavilə uzadılmadı. Çempionatın sonuna yaxınlaşırıq. Gərgin oyunlar gedir. Buna görə də hər dəfə eyni adamın deyil, müxtəlif ekspertlərin şərhinə yer vermək istəyirik. Bir müddət telekanalımızda daimi ekspert olmayacaq. Növbəti layihələrimizdə isə Aslan Kərimovu telekanalımızda görmək istərdik".
Mövüsümün sonunda belə addım atılmaz, Volkan bəy. Çempionatda fantastik gərginlik yoxdu, olsa da, Aslan bəy onu azaldacaq adam deyil. Əksinə, indi qüvvələri bir az da artırmaq, verilişlərin sayını çoxaltmaq lazım idi. Bu məqamda daimi ekspertdən imtina etməzlər, onun ətrafına yeni mütəxəssislər yığarlar. Dilinizi dolaşdırmayın, deyin ki, “Elxan Məmmədov əmr etdi, mən də “baş üstə” dedim”.
Bundan başqa, əməkdaşlıq indi dayandırılırsa, ümumiyyətlə, indiyə nəzərdə tutulursa, bunun özü də qeyri-peşəkarlıqdı. Müqavilə bağlananda apreldən-aprelə olmur, mövsümlük razılaşdırılır. Elə deyilsə, rəsmi müqaviləni açıqlayın, görək. Kərimovla anlaşma mövsüm bitəndə yekunlaşacaqdı, ikitərəfli xitam vermisiz və xahiş etmisiz ki, detallara varmasın.
Aslan bəy özü isə müsahibəsində ikibaşlı danışıb, amma onun təkziblərindən də təsdiq qoxusu gəlir. Verilişin formatının necə dəyişdiyini tezliklə görəcəyik, lakin bu, ağ yalandı. Yenə daimi ekspertlər olacaq, amma o sırada Kərimovu görməyəcəyik.
Aslan AFFA-da rəhbəri olduğu məşqçilik kurslarından da uzaqlaşdırıla biləcəyi haqda ehtimalımızı təkzib etməyib: “Hə, bu barədə də danışırlar. Düzü, mənə indiyə qədər kimsə zəng vurub deməyib ki, sən düzgün işləmirsən. Heç vaxt belə münasibət görməmişəm. Əksinə, dəfələrlə UEFA, federasiya rəhbərliyi tərəfindən bizim gördüyümüz işə xoş münasibət bildirilib, bunu yüksək qiymətləndiriblər. Bu baxımdan məlumatların necə yayıldığını deyə bilmərəm. Çünki mən belə şey hiss etməmişəm. Bəlkə bundan sonra çağırıb deyəcəklər ki, daha lazım deyilsən. Bu da baş verə bilər. Amma hazırkı vəziyyətə görə işimin başındayam”.
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-21 08:00
Andersonun dediyi kimi…
- Premyer-liqa2024-04-20 20:55
“Zirə” “Neftçi”yə qalib gəldi