Ölkə futbolu
“Kəpəz”i etibar etməyə “lazımlı” kadr tapılmır
AFFA “Kəpəz”i tapşırmaq üçün kadr tap…
AFFA “Kəpəz”i tapşırmaq üçün kadr tapa bilmir. Növbəti mövsümdən Premyer Liqada oynaması planlaşdırılan Gəncə klubu hələ də rəhbərsizdi.
Müşahidə Şurasının sədri Elmir Vəliyevin istefasından sonra İslam Abbasov bu posta təyinat almışdı. Lakin o da AFFA-nın baş katibi Elxan Məmmədovun “xüsusi” tapşırıqlarına əməl etmək istəmədi və istefa verdi. Bu səbəbdən hazırda divizionda mübarizə aparan köklü klubumuz rəhbərsiz qalıb. AFFA maliyyələşdirdiyi klubları yerli kadrlara etibar etmir, Bakıdan göndərmək üçün isə uyğun adam yoxdu.
Vaxtilə bu missiyanı Mikayıl Nərimanoğlu yerinə yetirirdi. Şura sədrinin müavini olan bu şəxs audit yoxlamasından sonra ifşa olundu, maliyyə çatışmazlıqları aşkarlandı. Onu nəinki “Kəpəz”dən, həmçinin AFFA-nın mətbuat katibi postundan qovdular. Bu problemin yaratdığı şok effekti nəticəsində komanda toparlana bilmədi və diviziona düşdü.
Həmin vaxtdan rəhbərləri əlcək kimi dəyişən “Kəpəz”də heç kim qərar tutmur. Son olaraq İslam Abbasov istefa verib, onun müavini Vaqif Sadıqov isə heç bir bağlılığının olmadığı Gəncəyə yollanmağa cəsarət etmir. Assosiasiya sədr postuna oturtmaq üçün kadr axtarışındadı. Lakin həm azarkeşlərin tələbkar olduğu, futbolu gözəl anladığı Gəncədə işləmək təcrübəsi, bacarığı olan, həm də Məmmədovun “tələblərinə” cavab verən birini tapa bilmirlər.