I Liqa
“Qarabağ”ın futbolçusu 3 oyunluq cəzalandı
Bu gün AFFA İntizam Komitəsinin növbəti iclası keç…
Bu gün AFFA İntizam Komitəsinin növbəti iclası keçirilib.
Futbolinfo.az xəbər verir ki, aparılan müzakirələrdən sonra Birinci Divizionun son turlarında qeydə alınan qayda pozuntuları ilə bağlı aşağıdakı qərarlar qəbul olunub:
21-ci turun “MOİK” – “Qarabağ-2” matçında MOİK-in 5 futbolçusu sarı vərəqə ilə cəzalandığı üçün klub 80 manat cərimə olunub. Oyun bitdikdən sonra “Qarabağ-2”-nin futbolçusu Məmməd Hüseynov təhqiredici ifadələr işlətdiyinə görə qırmızı vərəqə alaraq meydandan kənarlaşdırıldığı üçün 3 oyun cəzalanıb, klubu 160 manat cərimə olunub.
22-ci turun “Şüvəlan” – “Kəpəz” matçında “Şüvəlan”ın 4 futbolçusu sarı vərəqə ilə cəzalandığı üçün klub 80 manat cərimə olunub.
22-ci turun “Qarabağ-2” – “Neftçi-2” matçının 90+8-ci dəqiqəsində “Qarabağ-2”-nin futbolçusu Toral Bayramov ikinci sarı vərəqə alaraq meydandan kənarlaşdırıldığı üçün 1 oyun cəzalanır, klubu 20 manat cərimə olunub.
22-ci turun MOİK – “Keşlə-2” matçında “Keşlə-2”-nin 5 futbolçusu sarı vərəqə ilə cəzalandığı üçün klub 80 manat cərimə olunub. Oyunun 86-cı dəqiqəsində “Keşlə-2”-nin futbolçusu Orxan Fərəcov ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klubu 20 manat cərimə olunub.
22-ci turun “Səbail-2” – “Qaradağ Lökbatan” matçında “Səbail-2” komandasının xərək daşıyan uşaqlarının sayı əsasnaməyə uyğun olmadığına görə, klub 80 manat cərimə olunub.
22-ci turun “Sumqayıt-2” – “Sabah-2” matçında “Sumqayıt-2” komandasının xərək daşıyan uşaqlarının sayı əsasnaməyə uyğun olmadığına görə klub 80 manat cərimə olunub.