Ölkə kuboku
Mühafizəçilərə görə – “Sumqayıt” cəzalanacaqmı?
Ölkə kuboku uğrunda yarımfinal mərhələsinin ilk oyunları s…
Ölkə kuboku uğrunda yarımfinal mərhələsinin ilk oyunları sakit keçdi. 2 oyuna 1 qol vuruldu və bütün sualların cavabı elə cavab oyunlarında veriləcək.
Sumqayıtda baş tutan matçdan sonra isə kiçik gərginlik yaşandı. “Zirə”nin futbolçusu Pərdis Fərcad-Azad “Sumqayıt”ın ehtiyat oyunçular skamyasında əyləşənlərlə kiçik münaqişə yaşadı. Hər şey meydanda həll olundu, gərginliyin böyüməsinin qarşısı alındı.
Lakin həmin anda diqqət çəkən “Sumqayıt”ın mühafizəçilərinin meydana daxil olmasıydı. Buna icazə yoxdu və polisdən başqa kimsə meydana çıxa bilməz. Hansı ki, Premyer Liqanın “Neftçi” – “Zirə” oyunundan sonra bakılıların mühafizəçiləri oxşar hərəkət etmiş və kluba İntizam Komitəsində rəsmi xəbərdarlıq edilmişdi.
Həmin matçda mühafizəçilər meydanın kənarına kimi gəldiyindən “Neftçi” pul cəzasından yaxasını qurtarmışdı. Sumqayıtda isə maliyyə sanksiyasını da gərəkdirən məqamlar var. Fotodan da bunu görmək mümkündü. Görək AFFA sevimli körpəsini yenə əzizləyəcək, qoruyacaq, yoxsa “qonşu uşaqlar”a görk olması üçün qulağını çəkəcək?