Ölkə futbolu
AFFA qərar verəcək: “Füzuli” əsassız şikayət edib?
Region Liqasının qalmaqallı “Füzuli” – &ldqu…
Region Liqasının qalmaqallı “Füzuli” – “FC Baku” oyunu haqda qərar yeni həftənin ilk günlərində veriləcək. AFFA-nın araşdırması bitib və yekun qərar açıqlanacaq.
Bölgə klubu rəqibin nəticəyə meydandan kənarda müdaxilə edildiyi iddiası ilə assosiasiyaya şikayət etmişdi. Belə ki, “Füzuli” rəhbərliyi bəzi oyunçularının bilərəkdən təslim olduğunu düşünürdü. Konkret ittiham var idi və araşdırmaya rəvac verilmişdi.
AFFA tərəfləri dinləyib. Lakin ittihamların əsaslı olub-olmadığını qərar açıqlananda biləcəyik. İttiham etmək asandı, onu sübuta da yetirmək gərəkdi. Son günlər “Füzuli” tərəfi geri addım atır, bunu açıqlamalarında hiss etdirir. Hiss olunur ki, ya bakılılar onların “könlünü alıb”, ya da ittihamçılar özü həqiqətən də məsuliyyətsiz açıqlama verib, dəqiqləşdirmə aparmadan tələsik şikayət ediblər.
İstənilən halda, qərarı AFFA verəcək. Araşdırmaların sonucunda bir nəticə hasil olubsa, qərar açıqlananda biləcəyik. Yox, “Füzuli” tərəfi şou yaradıbsa, yarışın təqvimini qarışdırdıqları üçün onların özünü cəzalandırmaq lazımdı. Ara söz-söhbətləri ilə, ortada heç bir fakt olmadan yarımfinal matçını qeyri-müəyyən vaxta təxirə saldırmaq AFFA-nın da imicinə zərbə vurur.
Xatırladaq ki, iki oyunun nəticəsinə görə uduzan “Füzuli” tərəfinin şikayəti üzündən yarımfinalın “Şahdağ” – “FC Baku” matçı təxirə salınıb. Halbuki bu cütün qalibinin rəqibi olacaq digər finalçı çoxdan bəllidi.
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Premyer-liqa2024-04-20 20:55
“Zirə” “Neftçi”yə qalib gəldi
- Ölkə futbolu2024-04-21 08:00
Andersonun dediyi kimi…