Layihə
Maliyyə hesabatı: “Digər xərclər”də gizlədilən xərclər
(əvvəli bu linkdə)
Klubların maliyyə hesabatlarına …
Klubların maliyyə hesabatlarına nəzər salarkən standart müəyyənləşdiyini görürük. Yəqin ki, AFFA-yla hər şey razılaşdırılıb və istiqamətlər seçilib. Lakin fərqliliklər də göz oxşayır.
Əvvəla, heç kim detallı açıqlama verməyib. Futbolçulara xərclənən vəsait ayrıca göstərilsə, daha yaxşı olardı. Halbuki “Qarabağ”, “Neftçi” və “Keşlə”dən başqa heç kim ümumiyyətlə, maaşların cəmini də göstərməyib.
“Digər xərclər” bölməsində forma/inventar, təlim-məşq toplanışları, nəqliyyat sərfiyyatı, infrastrukturun saxlanılmasına ayrılan vəsait və s. ümumiləşdirilib. Məsələn, “Neftçi”də aylıq 100 min manata yaxın kredit ödənişi, kluba alınan 6 avtomobil və 1 avtobus da burada əksini tapıb. Əksər klublar isə futbolçulara, işçilərə ödənilən məbləği də “digər xərc” kimi yola verib. Bu isə hesabat sayıla bilməz, sadəcə, lisenziya tələbinə cavab vermək üçün yalançı cızma-qaradı.
Bəzi klubların büdcəni aşması düzgün planlamanın olmamasının göstəricisidi. Xüsusilə “Keşlə” və “Sumqayıt” kimi nəzarətin güclü olduğu şura klublarının bunu etməsi sual doğurur. Xərclənən əlavə pulun mənbəyi göstərilmirsə, bu hesabatlar qəbul edilə bilməz, qəbul edilməsi üçün izahat lazımdı.
3 klubda cəmi kapital 10 milyon manatın üstündədi (mötərizədə cəmi aktivlər göstərilib).
Qarabağ: 17,950 (24,773) milyon manat
Neftçi: 12,603 (15,255)
Qəbələ: 10,754 (13,670)
Sumqayıt: 10,550 (0,554)
Səbail: 0,594 (0,648)
Zirə: 0,177 (0,111)
Sabah: 0,112 (0,511)
Keşlə: -0,264 (0,55)
“Keşlə”nin “mənfi”ylə göstərilən aktivini AFFA-nın lisenziya prosesində necə qəbul edəcəyini bilmirik, lakin klubları dəyərini ölçən bu rəqəmlər də müzakirəyə açıqdı. Faktiki 4 klub hər an dağılmaq təhlükəsiylə üz-üzədi.
“Neftçi” və “Sabah”ın uzunmüddətli öhdəlikləri də diqqət çəkir. Cəmi öhdəliklərə görə isə “Sumqayıt” bütün klubları “cibinə qoyar. 11,104 milyon manatın hesabatının verilməsi, detallı izah pis olmazdı. Bu rəqəm “Qarabağ”da 6,823, “Qəbələ”də 2,961, “Neftçi”də 2,652 milyon manatdı. Adı çəkilməyən digər 4 klubda isə birlikdə ümumi məbləğ milyona çatmır.
(davamı olacaq)
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-21 08:00
Andersonun dediyi kimi…
- Premyer-liqa2024-04-20 20:55
“Zirə” “Neftçi”yə qalib gəldi