Layihə
Unudulmayan tarix: ilk dövlət proqramı
(əvvəli bu linkdə)
Bu qərarın 27-ci ili tamam olanda…
Bu qərarın 27-ci ili tamam olanda 2 gün sonra Avropa Liqasının finalını qəbul edəcəyik. Ötən müddətdə futbol təsərrüfatında xeyli dəyişiklik olub, infrastruktur, təşkilatçılıq baxımından irəli getmişik. Amma nəticələrlə öyünə bilmərik. Yalnız klub futbolunda öyünməli nələrsə var, milli komandalar isə…
Qərarın davamında yazılıb:
“…Azərbaycan Respublikası Daxili İşlər Nazirliyi, Azərbaycan Respublikası Səhiyyə Nazirliyi, Azərbaycan Respublikası Mənzil-Kommunal Təsərrüfat Nazirliyi, Azərbaycan Respublikası Ticarət Nazirliyi, Azərbaycan Respublikası Dövlət İdman Komitəsi, Azərittifaq, respublika şəhər və rayon icra hakimiyyəti başçıları stadionlarda qayda-qanuna sözsüz əməl edilməsini, futbol yarışları tamaşaçılarının və iştirakçılarının təhlükəsizliyini, stadionların lazımi qaydada mövsümə hazırlanmasını, ticarət xidmətini, komandaların, qonaqların, hakim briqadalarının qəbulunu və yerləşdirilməsini təmin etsinlər.
2. Azərbaycan Respublikasının Maliyyə Nazirliyi AFFA-nın Azərbaycan Respublikası çempionatının açılışı ərəfəsində yaradıldığını və vəsaitin olmamasını nəzərə alaraq, AFFA-nın 1992-ci il üçün təqdim etdiyi hesablamaları nəzərdən keçirsin və maddi-texniki baza obyektlərinin saxlanması, AFFA-nın qərargahı da daxil olmaqla yenidən qurulması, ləvazimat, nəqliyyat vasitələri və avadanlıq alınması, milli yığma komandaların saxlanması və geyimlə təmin edilməsi, məşqçilərin, mütəxəssislərin, xidmət işçilərinin saxlanması, ezamiyyət xərcləri üçün əmək haqqı fondunun yaradılması ilə bağlı AFFA-nın təqdim etdiyi hesablamalara uyğun olaraq pul vəsaiti ayırsın. Hər il respublikanın illik büdcələrini formalaşdırarkən göstərilən məqsədlər üçün xərclər nəzərdə tutulsun.
Respublika Dövlətiqtisadplankomu AFFA-nın hesablamaları üzrə hər il bütün yaş qruplarını əhatə edən milli yığma komandaların və AFFA rəsmi nümayəndələrinin xaricə səfərləri ilə bağlı valyuta vəsaitlərinin ayrılması üzrə təkliflər hazırlasın və təqdim etsin…”
Sovet qoxulu bu qərar bir daha sübut edir ki, bu gün müstəqil təşkilat kimi görünən AFFA faktiki dövlətin şinelindən çıxıb. Ümumiyyətlə, Azərbaycanda daim idmana dövlət dəstəyi olub, ayrı-ayrı federasiyaların yaranmasına, inkişafına birbaşa dəstək hiss edilib.
Əslində, bu qərarı ilk dövlət proqramı kimi də qəbul etmək olar. 2005-2015-ci illəri əhatə edən dövlət proqramı bunun davamı sayılmalıdı. Tezliklə dövlətin növbəti qayğını göstərəcəyi ehtimal edilir və lazımdı. Çünki AFFA hər nə qədər SOCAR tərəfindən maliyyələşsə də, ana sponsor bu qurum olsa da, kompleks yardıma ehtiyac var. Əks halda, futbolun inkişafı mümkünsüzdü.
Azərbaycanda hələ ki, futboldan qazanc götürmək mümkünsüzdü, xərcləri müəyyən mənada qarşılamaq üçün yalnız beynəlxalq yarışlarda iştirak etmək lazımdı və bu da hamıya qismət olmur. Bu səbəbdən yardıma möhtac olanlar mütləq dövlətin qayğısını görməlidi. Söhbət heç də geri qaytarılması mümkün olmayan vəsaitlərdən getmir. Bəli, futbola qoyulan pul sadəcə, xərclənir. Amma bu vəsait həm də ona görə xərclənir ki, sağlam nəsil yetişsin, insanların asudə vaxtının səmərəli keçməsi üçün şərait yaransın. Bu dəstək bir növ sosial layihədi və lazımlıdı.
Düzdü, artıq 1999-ci ildəki kimi, AFFA-nı yaşatmaq üçün vəsaitə ehtiyac yoxdu. Beynəlxalq qurumlarla əlaqələr qurulub, büdcəyə vəsait cəlb edilir, amma bütün ölkəni əhatə etmək üçün dövlətin yardımı vacibdi. Bölgələrdə futbolun inkişafı AFFA-nın imkanı xaricindədi və yardım mütləqdi. Bir şətrlə ki, həmin vəsaitlərin xərclənməsinə elə dövlət tərəfindən nəzarət edilsin.
(davamı olacaq)
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı