Dünya futbolu
Bordin Jezniçakı istəyirmiş: “Neftçi” rəhbərliyi “Qarabağ”dan heç kimi istəmədiklərini bildirdi”
"Qarabağ"da karyeramın iki möhtəşəm mövsü…
"Qarabağ"da karyeramın iki möhtəşəm mövsümünü keçirdim. Azərbaycan və orda tanış olduğum insanlar haqqında mənfi fikir demək istəmirəm. Ölkədə futbol çox da pis deyil. İki çempionluq qazandıq. Çempionlar Liqası və Avropa Liqasının qrup mərhələsində oynadım" – bunu "Visla"ya (Plotsk) keçən "Qarabağ"ın sabiq futbolçusu Yakub Jezniçak przegladsportowy.pl saytına müsahibəsində deyib.
"Qarabağ"da 2017-ci ilin iyulundan çıxış edən 32 yaşlı mərkəz müdafiəçisi bildirib ki, Azərbaycanda futbolun səviyyəsi gözlədiyindən daha yaxşıdı. Jezniçak ölkədə idmanın mükəmməl olduğunu vurğulayıb: "Yeni mədəniyyət və gözəl Bakı ilə tanış oldum. Mənim bu ölkə haqqında fikirlərim dəyişdi, çoxları buranı üçüncü dünya hesab edirdi, orada heç nə olmadığını və futbol oynamağa deyil, "cibimi doldurmağa" getdiyimi düşünürdülər. Reallıqda isə daha yaxşı idi. Hətta dini müxtəliflik də problem yaratmırdı: insanlar əcnəbilərə qarşı dözümlüdürlər. Baş məşqçi qatı müsəlman idi, amma bəzən müəyyən şeylərə göz yumurdu. Özümü əla hiss edirdim".
Polşalı oyunçu Ağdam təmsilçisindən ayrılmasının səbəbini belə izah edib: "Sonuna qədər gözlədim. Çünki hər kəsə yeni müqavilənin təklif olunmasının mümkünlüyü ehtimalı həmişə mövcuddur. Bir il əvvəlki hal təkrarlandığı üçün mənfi qərar gözləyirdim. Mövsümün əvvəlində çox oyunda iştirak edə bilmədim. Bu, limitlə əlaqədar idi. Buna görə də məşqçi daha çox ön xəttdə çıxış edən əcnəbi futbolçulara şans verirdi. Arxada yerlilər, ön xəttdə isə əcnəbilər oynayırdı. Hazırda mənim yerimə başqa futbolçu almayacaqlar. Üç azərbaycanlı müdafiəçisi kifayətdir. Amma orda yaxşı təəssürat yarandı".
Jezniçakın sözlərinə görə, karyerasını "Neftçi"də davam etdirmə ehtimalı da olub. Lakin buna paytaxt klubunun rəhbərliyi mane olub: "Mövsümün sonunda məni yaxşı tanıyan "Neftçi"nin baş məşqçisi Roberto Bordindən maraq var idi. Lakin rəhbərlik komandaya "Qarabağ"dan heç kimi götürmək istəmədiklərini söylədi".
- Ölkə futbolu2024-05-06 10:08
“Dinamo” Mahiri satmaq istəyir, amma…
- Milli komanda2024-05-06 15:32
Millimizin yoldaşlıq oyununda daha bir rəqibi müəyyənləşdi
- Digər idman növləri2024-05-06 17:45
AVF rəhbərliyi Antalyada milli üzvləri ilə görüşdü
- Milli komanda2024-05-06 13:09
Aqolli: “Azərbaycanın rəqib seçilməsi doğru addımdır”