Ölkə futbolu
“Referini əvəzləsəydilər, qalib gələrdik”
“Neftçi”nin müdafiəçisi Kiril Petrov A…
“Neftçi”nin müdafiəçisi Kiril Petrov Avropa Liqasının III təsnifat mərhələsində İsrailin “Bney Yehuda” klubuna qarşı keçirdikləri ilk oyundan sonra jurnalistlərin suallarını cavablandırıb. Rusiyalı legioner 2:2 hesabıyla bitən matçı dəyərləndirib.
– Bu, futboldur, hər şey baş verə bilər. Əvvəlcədən hesab təxmin etmək doğru deyil.Rəqib əks-hücumlara üstünlük verir. Bunu bilirdik, amma səhvlərə yol verdik. Yaxşı ki, 2 qol vurub oyuna qayıtdıq. Artıq onlara qarşı cavab görüşündə necə oynayacağımızı bilirik.
– “Arsenal”ı keçdiyiniz üçün komandada eyforiya yaşanırdı?
– İki mərhələ keçdiyimizə görə komandada eyforiya yoxdu. Bu komandanı tanımasaq da, bir neçə matçına baxmışdıq və necə bir kollektivə qarşı oynayacağımızı bilirdik. "Sperantsa" və "Arsenal"a qarşı necə hazırlaşmışdıqsa, bu dəfə də elə idi.
– Daha beş dəqiqə oynasaydınız, qalib “Neftçi” ola bilərdi?
– Hakim daha 5 dəqiqə əlavə etsəydi və referini əvəzləsəydilər, bəlkə də, biz qalib gələ bilərdik.
– Hakim niyə “Neftçi”yə qarşı aqressiv idi? “Bney Yehuda” oyunu rahat şəkildə uzada, vaxt öldürə bilirdi…
– Deməzdim ki, bizə qarşı aqressiya olub. Sadəcə, o, oyunu lazım olan şəkildə idarə edə bilmədi. Özü FİFA referisidir, amma ali futbol qurumunun səviyyəsində oyun idarə edə bilməyib. Öz azərbaycanlı hakimlərimizdən şikayət ediriksə, bu referidən nə deyək?
– “Neftçi” İsraildə mərhələni keçə biləcək?
– Futbolçularının idmançıya yaraşmayan hərəkətlərinə görə "Bney Yehuda"nı cəzalandırmalıyıq. Futbol vaxtı uzatmaq, qulağını, ayağını tutub meydanda uzanmaq deyil. Onlara futbolun nə olduğunu göstərməliyik.
– Onların bu hərəkəti sizi daha da motivasiya etdi və bərabərlik qolunu vurdunuz…
– Məncə, hakim rəqibə belə oynamağa imkan verdi. Təbii ki, bu amil bizi motivasiya etdi. İsraildə burda ikinci hissədə oynadığımız oyunu nümayiş etdirəcəyik.
- Ölkə futbolu2024-05-06 10:08
“Dinamo” Mahiri satmaq istəyir, amma…
- Milli komanda2024-05-06 15:32
Millimizin yoldaşlıq oyununda daha bir rəqibi müəyyənləşdi
- Digər idman növləri2024-05-06 17:45
AVF rəhbərliyi Antalyada milli üzvləri ilə görüşdü
- Milli komanda2024-05-06 13:09
Aqolli: “Azərbaycanın rəqib seçilməsi doğru addımdır”