Dünya futbolu
“Zirə”nin baş problemi
“Zirə” başsızdı. Klub prezident Natiq İsmayılovu yol…
“Zirə” başsızdı. Klub prezident Natiq İsmayılovu yola salandan bəri ikinci dərəcəli kadrların idarəçiliyinə möhtac qalıb. Hələlik hər şey qaydasındadı, daha doğrusu, qaydasınd görünür, lakin…
…Lakin yeni mövsüm başlayanda postun boş qaldığı mütləq yada düşəcək. Düzdü, “Zirə”də prezident postu onsuz da formaldı, burada əyləşən şəxs heç vaxt strateji qərar vermək səlahiyyətində olmayıb, indiyəqədərki formal rəhbərlər yalnız fəxri prezident Orxan Məmmədovun əmrlərini yerinə yetirib. İstənilən halda, “baş üstə” demək üçün də kimsə lazımdı.
Əvvəla, ona görə ki, Məmmədovun baş məşqçi Samir Abasovu görməyə gözü yoxdu, onların arasında körpü rolunu oynayacaq kimsə lazımdı. Həm də Orxan bəy nazir olmaq sevdasındadı, futbola çox zaman sərf edə bilmir, yaşlı nazirlərdən 2-3-nün yerinə göz dikib. Hansı laxlasa, özünü ora namizəd göstərdəcək. AFFA-yla bağlı planları suya düşüb, gözü AGİN-də, İqtisadi İnkişaf Nazirliyindədi.
Amma “Zirə”ni də görməzdən gələ bilməz. Məmmədova arxayın olaraq onun üçün böyük büdcə ayırıblar, kluba xeyli legioner, ən bahalı yerli oyunçular alınıb. Nəticə ürəkaçan olmasa, onun imicinə də zərbə dəyəcək. Bu səbəbdən kluba işbacaran, daha çox da əmrləri sözsüz yerinə yetirən prezident gərəkdi.
Hazırda “Zirə” prezident axtarır. Ciddi kadr qıtlığı var. Məmmədov həm futbolu bilən, həm də onun əmrlərinə “baş üstə” deyən birini arayır. Orxan bəyə bağlı olan “Şüvəlan”ın sabiq prezidenti Seyidağa Babayev və “Azfar Holdinq”in aparıcı fiqurlarından Taleh Əliyev əsas namizədlərdi. Lakin onların klub yükünü daşıya biləcək adamlar olmadığı dəqiqdi. Bu səbəbdən tərəddüdlər var, digər namiədlər müzakirə edilir.
Ən maraqlı ad İslam Abbasovdu. Vaxtilə Elxan Məmmədovun əsas kadrlarından olan, “Neftçi”də, milli komandalarda inzibatçı işləyən, birdən-birə “Kəpəz”in Müşahidə Şurasına sədr göndərilən bu şəxsə təklif göndərilib. Baş katibə arxa çevirdikdən sonra futbol təsərrüfatından uzaq saxlanan Abbasov da təyinatda maraqlıdı, amma ciddi səlahiyyəti olmayacağı üçün düşünməyi lazım bilir.
Orxan Məmmədovun seçimə ciddi yanaşması birbaşa şəxsi iddiaları ilə bağlıdı. Nazir olmaq istəyən cavan oğlanın AFFA-ya gəlməklə bağlı tamahı da keçməyib. “Zirə”yə böyük büdcə də buna görə ayrılıb. Komanda mütləq yaxşı nəticə qazanmalıdıki, o da sabah özünü Elxan Məmmədova, Rövnəq Abdullayevə xələf göstərə bilsin.
- Premyer-liqa2024-05-04 21:21
“Neftçi” “Qarabağ”a böyük hesabla uduzdu
- Milli komanda2024-05-04 15:39
Millimiz UEFA İnkişaf Turnirində ikinci oyununda da uduzdu
- Ölkə futbolu2024-05-04 10:19
“Araz-Naxçıvan”ın baş məşqçisi: “Rəqib tapmaq çətinləşir”
- Premyer-liqa2024-05-04 18:59
Samir Abasov: “Bu, “Qarabağ”la matçdakı yorğunluqdan irəli gələ bilər” – VİDEO