Premyer-liqa
Premyer Liqada 60-cı səfər qolu
“Zirə” Azərbaycan Premyer Liqasında 60-cı səfər qolu…
“Zirə” Azərbaycan Premyer Liqasında 60-cı səfər qolunu vurub.
Futbolinfo.az xəbər verir ki, bu, cari mövsümün 4-cü turuna təsadüf edib.
“Sumqayıt”la rəqib meydanında keçirilən matçda vurulan ikinci qol yubiley xarakteri daşıyıb. “Qartallar”a 2:1 hesablı qələbə qazandıran topun müəllifi olan Şefik Tiqrudja komandanın səfərdəki 60-cı qoluna imza atıb.
Premyer Liqada 2015/16 mövsümündə debüt edən “Zirə” özünün ilk cəhdində də, 2017/18 mövsümündə də rəqib meydanında 15 qola imza atıb. 2016/17 mövsümündə 11 dəfə fərqlənən komanda ötən çempionatda daha çox – 17 səfər qoluna sevinib. Arxada qalan 4 çempionatdakı səfər görüşlərində 58 dəfə fərqlənən zirəli futbolçular “Sumqayıt”la qarşılaşmada bu rəqəmi 60-a çatdırıb. Mövsümün ilk səfər görüşündən – “Səbail”lə matçdan (0:1) qolsuz ayrılan “qartallar” “Kapital Bank Arena”da iki dəfə meydan sahiblərini məyus edib.
Səfərdəki 62-ci oyunda 60-cı qola imza atan komandanın məhsuldarlığı 0,97-yə bərabərdi.
Qeyd edək ki, “Zirə” Premyer Liqadakı ilk səfər qolunu 2015-ci il avqustun 16-da “Kəpəz”in qapısından keçirib. 1:1 hesabı ilə başa çatan görüşün 90+2-ci dəqiqəsində İqor İvanoviç qol sevinci yaşayıb.
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı