Lopeteqi: “Gözlədiyim “Qarabağ”ı gördüm”

Avropa Liqasının qrup mərhələsinin ilk oyununda “Qarabağ”ın qonağı olan “Sevilya” Bakıdan 3:0 hesablı qalibiyyətlə ayrılıb. 

Futbolinfo.az xəbər verir ki, oyunsonrası mətbuat konfransında İspaniya təmsilçisinin baş məşqçisi Xulen Lopeteqi  jurnalistlərin suallarını cavablandırıb.

– Son oyunlarda qol vurmaqda çətinlik çəkirdiniz. Bu gün isə rəqib qapısından 3 top keçirdiniz. Bu barədə nə deyə bilərsiniz?
– Düzdü, rəqib öz meydanında oynayırdı. Atmosfer də bizə çətinlik yaradırdı. İstənilən halda, qələbəyə layiq oyun göstərdik. İlk qol hər şeyi dəyişdi və ondan sonra növbəti qolları vurmaq asanlaşdı.

– Gözlədiyiniz “Qarabağ”ı gördünüzmü?
– Təcrübəli komanda olması hiss olunurdu. Üzərində işlənmiş komandadı. Gözlədiyim “Qarabağ”ı gördüm.

– Qrupun digər oyununda “Düdelanj” APOEL-ə qalib gəldi. Püşkdən sonrakı fikirlərinizlə ilk oyunlardan sonrakı fikirləriniz eynidi?
– Futbolda təəccüblü heç nə yoxdu. Heç vaxt öncədən “qələbə qazanmışam” düşüncəsində olmamalısan.

– Kimdən və nədən razı və narazı qaldınız?
– Hər hansı bir futbolçunu qeyd etmək istəməzdim. Komanda şəklində yaxşı bir kollektivə qalib gəldik.

– Hesab komandalar arasında fərqi göstərdimi? Ümumiyyətlə, “Qarabağ” barədə fikirləriniz necədi?
– APOEL-lə “Qarabağ”ın hər iki oyununu izləmişəm. “Qarabağ” onları yarışdan kənarlaşdıra bilərdi. Eyni zamanda, APOEL də “Ayaks”ı kənarlaşdıra bilərdi. Bu üzdən elə bir fərq deyə bilmərəm.

– 10 ildən sonra “Qarabağ”a öz meydanında 3 qol vurmaq necə hissdi?
– Bu statistika barədə məlumatım yox idi. APOEL-ə 0:2 hesabı ilə uduzduğu oyunda da “Qarabağ” kifayət qədər qol vəziyyətləri yaratmışdı.

– Həftəsonu La Liqada “Real”a uduzsanız, bunu uzaq səfər və “Qarabağ”a qarşı oyunla əlaqələndirməyəcəksiniz?
– “Real”la bağlı sabah danışarıq. (matc.az)