Premyer-liqa
Ayxan Abbasov: “Belə təzyiq altında oynamaq çətindi”
“Sumqayıt”ın baş məşqçisi Ayxan Abbasov Azərb…
“Sumqayıt”ın baş məşqçisi Ayxan Abbasov Azərbaycan Premyer Liqasının 13-cü turu çərçivəsində qarşılaşdıqları “Keşlə” ilə oyunu şərh edib.
Futbolinfo.az xəbər verir ki, o, 1:2 hesabıyla məğlub olduqları matçdan sonra təşkil olunan mətbuat konfransında bunları söyləyib:
– Rəqibi qələbə münasibətilə təbrik edirəm. Oyunun mahiyyətini bilirdik. Çalışdıq ki, oyunçuları hazır edək. "Qarabağ"la oyundan sonra hazırlıq bir az çətin idi. Hiss olundu ki, o qalibiyyətin havasındayıq. İkinci hissədə pis oynamadıq. Yuxarıda olmaq təzyiqdi. Bizim bəzi futbolçularımız gəncdi. Belə təzyiqlə oynamaq çətindi. Çalışacağıq ki, "Qəbələ" ilə oyuna yaxşı hazırlaşaq.
– Bu oyunda təcrübəli müdafiəçiləriniz və qapıçınız inamsız təsir bağışladı. Təcrübəli futbolçuların səhvinə görə uduzduğunuzu düşünmürsüz?
– Günahı hansısa futbolçunun üzərinə atmaq istəmirəm. Əlbəttə, səhvlər var. Ancaq komanda olaraq uduzduq. Rəqibin necə hücum edəcəyini bilirdik. Müdafiəçilərimiz səhvlər etdi. İlboyu eyni gücdə oynamaq istedad tələb edir. Biz hələ o vəziyyətdə deyilik.
- Ölkə futbolu2024-04-19 21:00
“Sumqayıt” avrokubok iddiasını davam etdirir
- Premyer-liqa2024-04-19 18:26
“Turan Tovuz” “Sumqayıt”a böyük hesabla məğlub oldu
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq