Layihə
Şəxsi karyera üçün düşünülmüş mükafat
(əvvəli bu linkdə)
6. AÇ-2020-nin Bakıda ke&cc…
6. AÇ-2020-nin Bakıda keçiriləcək oyunlarına hazırlıq prosesi ilə bağlı qısa məlumat
AFFA İcraiyyə Komitəsinin dekabrın 13-də keçiriləcək yekun iclasının gündəliyinə salınan bu məsələ vacibdi. Amma assosiasiya vaxtını boşuna xərcləməsin, dövlət ölkəmizə həvalə edilən bütün beynəlxalq yarışlar kimi, qitə çempionatının oyunlarını da uğurla təşkil edəcək. UEFA da işin başındadı, Təşkilat Komitəsi fəaliyyətini tənzimləyəcək. İK-nı məşğul etməyə dəyməz, bu yarışı AFFA yox, UEFA keçirir. Gündəliyə bənd əlavə edib, gözə kül üfürmək lazım deyil.
Ondansa elə bu bənddə Azərbaycanın meydan sahibləri arasında finallarda oynamayacağı dəqiqləşən yeganə ölkə olmasının səbəblərini araşdırın, dövlətin əməyini öz adınıza çıxmayın. Ölkə rəhbərliyinə finallara vəsiqə vəd edilmişdi, indi uğursuzluğu kimin boynuna yıxaq?
7. AFFA-nın “Feyr Pley” mükafatının təsis olunması və Əsasnaməsinin hazırlanması
Yaxşı nümunədi, amma burada da məqsəd var. Əks halda, 12 illik hakimiyyətin 12-ci ilində yada düşməzdi. Ədalətli oyun birinci seçim olmalıdı, Məmmədov isə bunu indi gündəliyə salmağı lazım bilib, çünki…
AFFA-nın baş katibi bu ilin mayında UEFA-nın Ədalətli oyun və Sosial Məsuliyyət vəzifəsinə sədr seçilib. Əslində, ölkəmizdə indiyədək bu mükafat təsis olunmalı, Məmmədov da gördüyü işlərin nəticəsi olaraq, vəzifəyə seçilməliydi. Bu dəfə əksinədi, Elxan bəy vəzifə alandan sonra Azərbaycanda ədalətli oyun yadına düşüb. Yəni, gündəliyin bu bəndi ümumi futbol üçün yox, məhz bir şəxs üçün düşünülüb. Baş katib sosial məsuliyyətini indi başa düşüb.
Xatırladaq ki, Elxan bəy uzun müddət UEFA-nın qadın futbolu üzrə müvafiq komissiyasında çalışıb və illərdi ölkəmizdə bu sahənin olmasına çalışır. İnkişafla bağlı heç nə deyə bilmərik, lakin bütün klubları qadın komandası saxlamağa məcbur edir, AFFA-nın pullarını sağa-sola dağıdır. Başı qadın futboluna o qədər qarışıb ki, kişilər yadından çıxıb. Kəsəsi, UEFA-dakı yüksəlişi naminə AFFA İcraiyyə Komitəsini oyuncağa çevirib, istədiyi qərarı qəbul etdirir.
Feyr Pleydən danışırıqsa, Elxan bəy məhz bu tələbə uyğun olmayan addımlarından danışsın. Bu qədər klubun AFFA-nın əlində cəmləşməsi, müstəqil klublarla fərq qoyulması, klub rəhbərlərinin katibin iradəsiylə təyin olunması ədalətli oyunla uzlaşırmı? Yoxsa I diviziondakı qumar, oyun alqı-satqısı, milli komandalarla bağlı danışılımış oyun şübhələrinə yaraşır bu mükafat? Bukmekerlər üçün təsis edirsiz? Yəqin ki, bu mükafatı ilk olaraq divizionda qalib olub Premyer Liqaya yüksələ bilməyənlərə verərsiz.
(davamı olacaq)
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Müsahibə2024-04-10 11:44
Subaşiç “Neftçi” və “Qəbələ”yə görə məyusdur: “Rəhbərlik heyət və məşqçi ilə bağlı qərar verməlidir”
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…