Premyer-liqa
Medvedev: Elnurun yerində olsam, dərman içərdim
“Qarabağ" – "Qəbələ" matçından sonra …
“Qarabağ" – "Qəbələ" matçından sonra meydan sahiblərinin müdafiəçisi Maksim Medvedev oyun haqda fikirlərini bildirib. Futbolinfo.az xəbər verir ki, “Qarabağ”ın sağ cinah müdafiəçisi bunları dilə gətirib:
“Birinci hissədə yaxşı oyun keçirdik. Lakin ikinci hissədə "Qəbələ"nin əvəzetmələri öz bəhrəsini verdi. 4 qoldan sonra komanda rahatlaşdı. Buna görə qapımızda 3 qol gördük. Oyundan bir xalla ayrıla bilərdik. Əsas odu ki, 3 xalı qazandıq".
Medvedev Reynaldo ilə Elnur Allahverdiyev arasındakı mübahisədən də danışıb: "Elnur çox əsəbi futbolçudu, onun yerində olsam, dərman içərəm. Meydanda bir neçə dəfə Reynaldoya zərbə endirdi. Reynaldo da bir-iki jestlə onu başa saldı ki, mənlə işin olmasın. Lakin Elnur yenə də zərbə endirməyə davam edirdi. Bu hərəkət də azarkeşlərə xoş gəlmədi. Buna görə azarkeşlər ona təzyiq edirdi”.