Milli komanda
Bəhruz Şirəliyev: Qışda transferlərimiz olacaq
"Rəvan"ın vitse-prezidenti Bəhruz Şirəliyevin Futbolinf…
"Rəvan"ın vitse-prezidenti Bəhruz Şirəliyevin Futbolinfo.az saytına müsahibəsi
– Öncə 12-ci tur çərçivəsində qarşılaşdığınız "İnter"lə oyun haqda fikirlərinizi öyrənək…
– "İnter"lə oyun nəticə etibarilə ürəkaçan deyil. Lakin oyun baxımından pis olmadı. Komanda mübarizə apardı. Düzdü, artıq ilk 15 dəqiqədə 2 qol buraxmışdıq. Amma komandamız mübarizə aparırdı. Ümumilikdə, komanda müsbətə doğru dəyişir. Hesaba qaldıqda, təbii ki,nəticə bizi qane edə bilməz. Çünki məğlub olduq.
– Şahin Diniyevli "Rəvan" 3 oyunda yalnız bir xal qazanıb. Yeni məşqçinizin nəticəsi sizi qane edir?
– Nəticə olacaq. Əsas odu ki, düz yolda olasan. Düz yolda olandan sonra oyun da düzələcək, nəticə də olacaq. Şahin müəllimlə uzun müddətli müqavilə imzalamışıq. Yenə deyirəm, əsas odu ki, yolumuz düzgündü. İnanıram ki, nəticələrimiz də olacaq.
– Diniyev hər oyundan sonra ehtiyat qüvvənin yoxluğundan şikayətlənir. Qışda baş məşqçinin istədiyi komanda yığılacaq?
– Əlbəttə, transferlər olacaq. Baş məşqçinin istəyinə uyğun olaraq yeni futbolçular cəlb olunacaq. Növbəti ildən legioner limiti dəyişir. Buna görə əlavə legioner yığmaq istəmirik. Amma komandaya xeyri olmayan legionerlərin əvəzinə yeni leginerlər gələ bilər.
– Növbəti turda "Sumqayıt"la qarşılaşacaqsız və məğlubiyyət "Rəvan"ı autsayder edə bilər…
– Biz bu oyunda yalnız qələbə gözləyirik. Ümid edirik ki, bu qələbədən sonra komandanın özünə inamı daha da artacaq və "Rəvan" daha da yüksək pillələrə qalxacaq.
– "Xəzər Ləmkəran"ın vəziyyəti demək olar ki, heç də yaxşı deyil. "Rəvan" hazırda "Xəzər Lənkəran"la mübarizə aparacaq gücdədi?
– Bu çempionatda hamı bir-biriylə mübarizə aparır. Hər bir komandanın qarşıda kifayət qədər oyunu var. Ona görə də heç kimi indidən nəsə deyə bilməz. Hər bir komandanın şansı var. Bizim komandaya qalanda, biz hər bir komandayla mübarizə aparacaq gücdəyik.
RÖVŞƏN ƏHLİMANOĞLU
- Ölkə futbolu2024-04-19 21:00
“Sumqayıt” avrokubok iddiasını davam etdirir
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Premyer-liqa2024-04-20 20:55
“Zirə” “Neftçi”yə qalib gəldi