Premyer-liqa
"Elnur Allahverdiyevin cəzası sabah bilinəcək"
"Qəbələ"nin baş meneceri Zaur Əzizovun futbolinfo.az sa…
"Qəbələ"nin baş meneceri Zaur Əzizovun futbolinfo.az saytına müsahibəsi
– Son turda "Qəbələ" "Qarabağ"a məğlub oldu. Çempionluğa iddialı komandanın 4 qol buraxması nə deməkdi?
– Düzdü, 4 qol buraxmaq komandada hansısa problemlərin olması deməkdi. Amma çempionatın lideri "Qarabağ" da 3 qol buraxıb. Yəni futbolda belə hesablar olur.
– Matçdan sonra Yuri Syomin yerli futbolçu alınmasının lazım olduğunu demişdi. Gözaltı etdiyinz kimsə varmı?
– Ola bilər ki, var. Amma bu, təkcə bizim istəyimizdən asılı deyil. Həmin futbolçunun başqa klublarla müqaviləsi ola bilər ya şərtləri bizə uyğun olmaya bilər. Ona görə indidən kimisə konkret alacağımız bəlli deyil. Götür-qoy edəcəyik. Kim lazım bilinsə, heyətə qatılacaq.
– Rəhbərlik məşqçinin işindən razıdımı?
– Narazı olmağa səbəb yoxdu. Yaxşı heyət qurub, yaxşı futbol oynadır. Çempionatda "Sumqayıt"a məğlubiyyəti saymasaq, yalnız bizdən yuxarı pillədə olan rəqiblərə uduzmuşuq. "Sumqayıt"a məğlubiyyət isə heç bilinmyən səbəbdən oldu. İlk üçlükdəyik. Ona görə məşqçimizin işini qənaətbəxş saymaq olar.
– Növbəti tur "Xəzər Lənkəran"la çətin oyun var…
– "Qəbələ" bütün oyunlara necə əzmkarlıqla hazırlaşırsa, bu matça da elə hazırlaşır. Ayın 8-də Bakıya gələcəyik, 9-da isə Lənkərana yola düşəcəyik. Komandada əskikləri saymasaq, durum normaldı. Bu oyunda lazım olan nəticəni aldə edəcəyimizə inanırıq.
– Sizcə, komandanın avrokuboklara vəsiqə qazanmaq şansı nə dərəcədə yüksəkdi?
– Bizim məqsədimiz də elə budu. Çempionatda uğurlu çıxış edib avrokuboklara vəsiqə qazanacağımıza inanıram.
– Bizim məqsədimiz də elə budu. Çempionatda uğurlu çıxış edib avrokuboklara vəsiqə qazanacağımıza inanıram.
– Son turda Elnur Allahverdiyevlə "Qarabağ"ın azarkeşlər arasında xoşagəlməz hadisə olmuşdu. Elnur futbolçuya yaraşmayan hərəkət edərək azarkeşlərə barmaq jesti göstərmişdi. Futbolçuya buna görə cəza verildimi?
– Bununla bağlı sabah toplantımız olacaq. Cəzanın nədən ibarət olacağı da məhz həmin toplantıdan sonra bilinəcək. Amma onu da deyim ki, azarkeşlər də Elnura qarşı nalayiq ifadələr işlədirdilər.
KƏMALƏ İSMAYILOVA
- Ölkə futbolu2024-04-19 21:00
“Sumqayıt” avrokubok iddiasını davam etdirir
- Premyer-liqa2024-04-19 18:26
“Turan Tovuz” “Sumqayıt”a böyük hesabla məğlub oldu
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq