Premyer-liqa
Autsayder dueli
Bu gün Topaz Premyer Liqasının 13-cü turuna start veriləc…
Bu gün Topaz Premyer Liqasının 13-cü turuna start veriləcək. Futbolinfo.az xəbər verir ki, turun açılış oyunu "Bayıl Arena"da baş tutacaq. "Rəvan" autsayder "Sumqayıt"ı qəbul edəcək.
7 xalla turnir cədvəlinin 9-cu pilləsində qərarlaşan Bayıl təmsilçisinin heyətində Kristian Torres və Elvin Həsənəliyev komandasına kömək edə bilməyəcək. Səbəb isə bu futbolçuların zədəli olmasıdı. Bundan başqa Şahin Diniyevin komandasında hər şey qaydasındadı. Diniyevin "Rəvan"a gəlişindən qələbə üzünə həsrət qalması komandanı daha iddialı oynamağa məcbur edən amillərdəndi. "Aslanlar" meydanda yalnız məğlub omamağa çalışacaq. Belə ki, meydan sahibləri qələbə qazanarsa və oyunu sülhlə başa vurarsa, yenə hazırkı mövqeyni qorumuş olacaq.
"Sumqayıt"ın işi isə "Rəvan"la müqayisədə daha çətindi. "Gənclik şəhəri" təmsilçisinin heyətində də Bəxtiyar Həsənzadə istisna olmaqla heç bir problem yoxdu. Aqil Məmmədovun komandası cari mövsümdə yalnız bir qələbə qazanıb. Autsayder olan "Sumqayıt" "Rəvan"la ilk oyunu öz evində keçirmiş və minimal hesabla məğlub olmuşdu. "Sumqayıt"ı bu qarşılaşmada yalnız qələbə qane edir. Məmmədovun komandası məğlub olacağı və meydanı sülhlə tərk edəcəyi təqdirdə yenə də autsayder olaraq qalacaq.
Komandalar indiyə qədər Premyer Liqada öz aralarında 9 oyun keçirib. "Rəvan” Premyer Liqada "Sumqayıt” ilə keçirdiyi 9 oyundan 6-da qalib gəlib və 2 qarşılaşmada meydanı xalsız tərk edib. Bir oyun isə sülhlə başa çatıb.
Qeyd edək ki, bu turun digər oyunları şənbə və bazar günü baş tutacaq.
Topaz Premyer Liqası
13-cü tur
8 noyabr (cümə)
17:00. Rəvan – Sumqayıt
Hakimlər: Əliyar Ağayev, Mehman Mahmudov, Zeynal Zeynalov, İnqilab Məmmədov.
AFFA nümayəndəsi: Eldar Qasımov.
Hakim-inspektor: Rövşən Əhmədov.
Bakı. "Bayıl Arena".
1 | Qarabağ | 12 | 8 | 3 | 1 | 24 | 7 | +17 | 27 |
2 | Neftçi | 12 | 7 | 4 | 1 | 18 | 8 | +10 | 25 |
3 | Qəbələ | 12 | 7 | 1 | 4 | 20 | 13 | +7 | 22 |
4 | Bakı | 12 | 5 | 3 | 4 | 21 | 14 | +7 | 18 |
5 | İnter | 12 | 5 | 1 | 6 | 21 | 18 | +3 | 16 |
6 | AZAL | 12 | 4 | 4 | 4 | 11 | 15 | –4 | 16 |
7 | Simurq | 12 | 3 | 5 | 4 | 11 | 12 | –1 | 14 |
8 | XL | 12 | 3 | 4 | 5 | 10 | 17 | –7 | 13 |
9 | Rəvan | 12 | 1 | 4 | 7 | 7 | 24 | –17 | 7 |
10 | Sumqayıt | 12 | 1 | 3 | 8 | 5 | 20 | –15 | 6 |
Bombardirlər:
6 – Əfran İsmayılov (Bakı).
5 – Vaqif Cavadov (İnter), Mindauqas Kalonas (Bakı), Reynaldo (Qarabağ), Baçana Sxadadze (İnter), Bahodır Nasimov (Neftçi), Nikolas Gelaşvili (Qarabağ).
4 – Rauf Əliyev (Bakı), Junior Nildo (Xəzər Lənkəran), Daniel Subotiç (Qəbələ), Çumbinyo (Qarabağ), Leonardo da Silva (Qəbələ).