AÇ-2020-də qrup mərhələsinə yekun vuruldu

Futbol üzrə Avropa çempionatı davam edir. Futbolinfo.az xəbər verir ki, bu gün qitə birinciliyində qrup mərhələsinə yekun vurulub.

Sonuncu gündə E və F qruplarında bütün suallara aydınlıq gəlib. Əvvəlcə E qrupu çərçivəsində Slovakiya – İspaniya və İsveç – Polşa oyunları baş tutub. İsveç yığması beş qolun qeydə alındığı polşalılarla dueldən çətin qələbə ilə ayrılıb və qrup lideri kimi 1/8 finala yüksəlib. Digər oyunda isə İspaniya yığması 5 cavabsız qolla qələbə qazanıb. Nəticədə, ispanlar da qrup ikincisi kimi mərhələ adlayıblar.

Daha sonra F qrupunda Portuqaliya Fransayla, Almaniya isə Macarıstanla münasibətlərinə aydınlıq gətirib. Bu oyunların hər ikisində komandalar meydanı hərəyə 2 qol və 1 xalla tərk ediblər. Bu üzdən də Fransa qrup lideri, Almaniya isə ikinci yerlə 1/8 finala vəsiqəni təmin edib.

AÇ-2020
23 iyun

E qrupu

Slovakiya – İspaniya 0:5
Qol: M.Dubravka, 30-öz qapısına. A.Laporte, 45+3. P.Sarabiya, 56. F.Torres, 67. Y.Kuçka, 71-öz qapısına.
Matçın 12-ci dəqiqəsində A.Morata penaltidən yararlana bilməyib (qapıçı).
Baş hakim: Byörn Kuypers (Niderland).
Sevilya. “La Kartuxa” stadionu.

Slovakiya: 1. Martin Dubravka, 2. Peter Pekarik, 5. Lubomir Şatka, 8. Andrey Duda, 14. Milan Şkrinyar, 15. Tomaş Huboçan, 17. Marek Hamşik (k), 18. Lukaş Haraslin, 19. Yuray Kuçka, 20. Robert Mak, 25. Yakub Hromada.
İspaniya: 23. Unai Simon, 2. Sesar Aspilikueta, 5. Serxio Buskets (k), 7. Alvaro Morata, 8. Koke, 9. Xerard Moreno, 12. Erik Qarsiya, 18. Jordi Alba (k), 22. Pablo Sarabiya, 24. Aymerik Laporte, 26. Pedri.

İsveç – Polşa 3:2
Qol: E.Forsberq, 2; 59. V.Klaesson, 90+4 – R.Levandovski, 61; 84.
Baş hakim: Maykl Oliver (İngiltərə).
Sankt-Peterburq. Yeni Zenit stadionu.

İsveç: 1. Robin Olsen, 2. Mikael Lustiq, 3. Viktor Lindelöf, 6. Lüdviq Auqustinsson, 7. Sebastyan Larsson (k), 8. Albin Ekdal, 10. Emil Forsberq, 11. Aleksandr İsak, 20. Kristoffer Olsson, 22. Robin Kayson, 24. Markus Danielson.
Polşa: 1. Voyçex Şesnı, 5. Yan Bednarek, 9. Robert Levandovski (k), 10. Qreqor Krıxovyak, 11. Karol Sviderski, 14. Mateuş Klix, 15. Kamil Qlik, 18. Bartoş Bereşinski, 20. Pyotr Zelinski, 21. Kamil Yuzvyak, 26. Tımoteuş Puxaç.

İsveç – 7, İspaniya – 5, Slovakiya – 3, Polşa – 1.

F qrupu

Portuqaliya – Fransa 2:2
Qol: K.Ronaldo, 31-pen; 60-pen – K.Benzema, 45+2-pen; 48.
Baş hakim: Antonio Mateu Lahos (İspaniya).
Budapeşt. “Puşkaş Arena”.

Portuqaliya: 1. Rui Patrisio, 2. Nelson Semedo, 3. Pepe, 4. Ruben Dias, 5. Rafael Gerreyro, 7. Kristiano Ronaldo (k), 8. Joao Moutinyo, 10. Bernardo Silva, 13. Danilo, 16. Renato Sançes, 21. Dioqo Jota.
Fransa: 1. Üqo Lyoris (k), 3. Presnel Kimpembe, 4. Rafael Varan, 6. Pol Poqba, 7. Antuan Qrizmann, 10. Kilian Mbappe, 12. Korentin Tolisso, 13. Nqolo Kante, 19. Kərim Benzema, 21. Lukas Hernandes, 25. Jül Kunde.

Almaniya – Macarıstan 2:2
Qol: K.Haverts, 66. L.Qoretska, 84 – A.Salai, 11. A.Şafer, 68.
Baş hakim: Sergey Karasyov (Rusiya).
Münhen. “Alyans Arena”.

Almaniya: 1. Manuel Noyer (k), 2. Antonio Rüdiger, 4. Mattias Ginter, 5. Mats Hummels, 6. Yozua Kimmix, 7. Kay Haverts, 8. Toni Kroos, 10. Serj Qnabri, 20. Robin Qosens, 21. İlkay Gündoğan, 19. Leroy Sane.
Macarıstan: 1. Peter Qulaçi, 4. Attila Salai, 5. Attila Fiola, 6. Villi Orban, 7. Loik Neqo, 8. Adam Naqi, 9. Adam Salai (k), 13. Andras Şafer, 15. Laslo Klaynhaysler, 20. Roland Sallai, 21. Endre Botka.

Fransa – 5, Almaniya – 4, Portuqaliya – 4, Macarıstan – 2.