Ölkə futbolu
AFFA 11 kluba lisenziya verəcək: “Araz Naxçıvan”ın problemləri həll olundu
AFFA tezliklə yeni mövsümdə Premyer Liqada çıxış edəcək klublara lisenziya verəcək. Müraciət üçün verilən vaxt yekunlaşıb, sənədlərin qəbulu tamamlanıb, mayın 15-i son gündür. Yeni həftənin ilk günlərində Lisenziyalaşdırma Qrupu siyahını açıqlayacaq.
Futbolinfo.az lisenziya almış klubların adını dəqiqləşdirib. Kabinetlərdə qısa müddətdə qeyri-adi oyunlar reallaşmasa, cəmi 11 klub lisenziya ala biləcək. Hazırda Misli Premyer Liqasında çıxış edən bütün klublar lisenziya sahibi olacaq, onların syahısına “Araz Naxçıvan” əlavə olunacaq. Elita klublarından bəziləri avrokuboklarda iştirak etmək hüququ verən lisenzyaya da sahib olacaq – onlar qitə yarışlarına vəsiqəni təmin edənlər və buna ümid edənlərdir.
Yalnız 11 klubun lisenziya alması (alacaq olması) yeni mövsümdə Premyer Liqada iştirakçı sayının artmayacağı deməkdir. Yarış yenə 10 komandanın iştirakı ilə keçirləcək. Və Naxçıvan təmsilçisinin siyahıya düşməsi I Divizionun qalibinin mütləq sonuncu yeri tutacaq kollektivi əvəzləyəcəyi deməkdir.
“Araz Naxçıvan”ın Premyer Liqada iştirakı son ana qədər məlum deyildi. Lakin artıq bütün problemlər həll olunub, klub stadionunda qazonun dəyişdirilməsinə start verib, arenadakı qüsurlar aradan qaldırılıb. Hazırda burada VAR otağı da quraşdırılır. Bu isə o deməkdir ki, muxtar respublika təmsilçisi futbol elitasına qayıdır.
“Araz Naxçıvan”da müəyyən problemlərin olması “Zaqatala” variantını önə çıxarmışdı. Lakin Divizionun lideri bütün çatışmazlıqları yoluna qoyduğundan, AFFA-nın ehtiyat varianta əl atmasına ehtiyac qalmadı.
FƏRİD
- Premyer-liqa2024-04-14 20:55
“Qarabağ” “Sabah”a uduzdu
- Ölkə futbolu2024-04-13 08:35
Leandro Azərbaycan dilini öyrənib: “Qarabağ”da yaşadıqlarım mənim üçün gözəl hekayədir”
- Premyer-liqa2024-04-13 20:52
“Neftçi” “Araz-Naxçıvan”ı darmadağınla yola saldı
- Ölkə futbolu2024-04-14 08:00
“Turan Tovuz” avrokubok mübarizəsinə qayıtdı